АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Түркийә һөкумәти бундан өнҹә парламентә лайиһә тәгдим едәрәк, бу өлкә ордусунун Ираг вә Сурийадакы әмәлиййатынын бир ил мүддәтинә узатмасыны истәмишди.
Түркийә президенти Рәҹәб Таййыб Әрдоған шәнбә ҝүнү Сурийа күрдләри илә мүбаризә мәгсәдилә бу өлкәнин шималында һәрби әмәлиййатына башланаҹағындан хәбәр вермишди.
Диҝәр тәрәфдән, Инҝилтәрә вә Франса Түркийәнин Сурийанын шималына һүҹумунун нәтиҹәләри һагда хәбәрдарлыг едибләр.
Инҝилтәрәнин хариҹи ишләр назиринин мүавини Андро Морисон дүнән бу өлкә парламентинин ашағы палатасынын фөвгәладә иҹласында дейиб: Түркийәнин Сурийанын шималына һүҹуму Гәрби Асийа бөлҝәсинин сабитлийини вә ИШИД террор групунун мәғлубиййәтинин узунмүддәтли зәманәти үзрә сәйләри тәһдид едир.
Франсанын мүдафиә назири Флоранс Парли дә хәбәрдарлыг едибдир ки, Американын бу өлкә һәрбчиләрини Сурийанын шималындан чыхармаг барәдәки гәрары бу бөлҝә күрдләринә һүҹумда Түркийәнин әлини ачыг гойур.
Франсанын хариҹи ишләр назирлийи дә Түркийәнин Сурийанын шималына гаршы һүҹумуну ИШИД террор групу илә мүбаризә просеси үчүн бир тәһдид кими дәйәрләндириб вә Анкаранын бу һәрәкәтини биртәрәфли вә ниҝаранедиҹи бир һәрәкәт адландырыбдыр.
Түркийә президенти Рәҹәб Таййыб Әрдоғанын америкалы һәмкары илә телефон сөһбәтиндән сонра Ағ Ев билдирди ки, өз гүввәләрини Сурийа вә Түркийә арасындакы сәрһәд бөлҝәләриндән узаглашдырмаг истәйир. Түркийә дә бу өлкәнин Сурийа әразисиндә һәрби әмәлиййатынын башланаҹағындан хәбәр верди.
...........
340
