Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Франса Хариҹи Ишләр назири Јен Јвес Ле Дријан АБШ Президенти Доналд Трампы тәнгид едиб.
Мәлумата ҝөрә Јен Јвес Ле Дријан билдириб ки, Доналд Трамп Иран Ислам Республикасы илә нүвә разылашмасындан чәкиләрәк сәһв аддым атыб.
Франса Хариҹи Ишләр назири Франса дөвләтинин нүвә разылашмасынын давам етмәсиндә исрарлы олдуғуну вурғулајараг дејиб: “Нүвә разылашмасыны имзалајан бүтүн тәрәфләр ҝөтүрдүкләри өһдәликләри јеринә јетирмәлидирләр.”
Хатырладаг ки, Иран Ислам Республикасы вә "алтылыг" өлкәләри (АБШ, Алманија, Британија, Франса, Русија вә Чин) арасында разылашма мүгавиләси 2015-ҹи ил ијулун 15-дә имзаланыб. 2018-ҹи ил мајын 8-дә АБШ Иранын нүвә програмы үзрә мүгавиләдән чыхыб. Бунунла бағлы гәрары Президент Доналд Трамп имзалајыб. АБШ Иран Ислам республикасы илә јени сазиш бағланмајана гәдәр бу өлкәјә гаршы санксија тәтбиг едәҹәјини билдириб.
Диггәт: Хәбәрдән истифадә етдикдә мәнбәјә истинад лазымдыр
