Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Русија хариҹи ишләр назирлијинин сөзчүсү дејиб: Американын Иран Ислам Ингилабы Кешикчиләри Корпусунун адыны террор груплары сијаһысына салмаг барәдәки гәрары тәхрибатчы вә реҝиону сәбатсызлашдырмаг мәгсәди ҝүдән бир гәрардыр.
Марија Захарова мүхбирләрлә һәфтәлик брифингдә дејиб: Америка һөкумәтинин Иран Ислам Ингилабы Кешикчиләри Корпусунун адыны террор груплары сијаһысына салмаг барәдәки гәрары Ирана гаршы тәзјиг мәркәзләринин артырылмасы вә иранофобија сијасәтинин давамыдыр.
О, әлавә едиб: Америка нүвә анлашмасындан чыхмагла бејнәлхалг сүлһ вә сабитлијә вә нүвә силаһларынын јајылмамасы мүаһидәсинә әсас зәрбәни вурду вә инди Иранын рәсми һәрби гүввәси кими Ислам Ингилабы Кешикчиләри Корпусуну террорчу адландырмагла өз тәхрибатчы вә гејри-конструктив сијасәтини давам етдирир.
Захарова Иранын Суријада терроризмлә мүбаризәдәки ролуна ишарә едәрәк, вурғулајыб: Иран Ислам Республикасынын Суријанын гануни һөкумәтинин рәсми дәвәти илә һәмин өлкәдә иштирак етдији бир һалда, америкалылар тәзјиг вә тәһдидлә Ираны Суријадан чыхармаг истәјирләр.
Диггәт: Хәбәрдән истифадә етдикдә мәнбәјә истинад лазымдыр
