Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ҝүрҹүстанын Марнеули рајонунун Алҝет кәндиндә Пејғәмбәримизин (с) әзиз гызы, имамәт ханымы вә анасы Һәзрәт Фатимәнин (с.ә) тәвәллүдү мүнасибәти илә мәрасим тәшкил олунуб.
Ханымларын иштирак етдији мәрасими өнҹә (тәдбирин апарыҹысы) Рәһимә Гурбанова тәбрик вә ҝириш сөзү илә ачыг елан едиб. Даһа сонра Гурани-Кәримдән ајәләр тилавәт едилиб.
Сонра “Мүсәлман Гадынлар Иҹмасы”нын үзвләри олан Есмира Нәсибова вә Наһидә Һаҹыјева ханымлар ханымы Һәзрәт Фатимеји Зәһранын (с.ә) һәјатындан, фәзиләт вә мәгамындан, аилә вә гадынлара өрнәк олаҹаг һәјат тәрзиндән ҝениш сөһбәтләр едибләр.
Кичик јашлы Гуран курсу шаҝирдләри исә Һәзрәт Фатимәнин (с.ә) ибрәтли кәламларыны сөјләјибләр. Бајрам сүфрәси әтрафында тәшкил олунан мәрасим мәддаһ Сәид Һәсәнин илаһиләр охумасы вә шеирләр сөјләмәси илә давам едиб. Сонда ханымлар арасында јарыш тәшкил олунуб, галибләрә вә Фатимә вә Зәһра адында оланлара һәдијјәләр тәгдим олунуб.
Мәрасим дуа охумагла сона чатыб.
Гонаглара тәгвим вә дини инфоҝрафикләр пајланылыб.
Гејд едәк ки, бу ҝүнләрдә Пејғәмбәримизин (с) әзиз гызы, имамәт анасы, ханымлар ханымы Фатимеји Зәһранын (с.ә) мүбарәк мөвлуду мүнасибәти илә мүхтәлиф шәһәр, рајон вә кәндләрдә Ҝүрҹүстан Мүсәлманлары Идарәсинин нәздиндә фәалијјәт ҝөстәрән “Мүсәлман Гадынлар Иҹмасы”нын тәшкилатчылығы илә мәрасимләр кечирилир.
Диггәт: Хәбәрдән истифадә етдикдә мәнбәјә истинад лазымдыр
