Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ирагдан јүксәк сәвијјәли бир һејәтин Дәмәшгдә ҝөрүшләр кечирмәсиндән сонра, Сурија президенти Бәшәр Әсәдин Ирага ИШИД һәдәфләрини вурмаг иҹазәсини вериб.
Ирагын баш назири Адил Әбдүлмеһди декабрын 30-у вердији ачыгламасында, јүксәк вәзифәли рәсмиләрдән ибарәт бир һејәтин Суријанын президенти Бәшәр Әсәдлә ҝөрүшдүјүнү билдирәрәк, АБШ-ын реҝиондан чыхмасындан сонра Ирагын ИШИД-ә гаршы мүһарибәдә даһа чох рол ала биләҹәји месажыны вериб.
Журналистләрин суалларыны ҹавабландыран Әбдүлмеһди, АБШ-ын Суријадан чыхмасынын гарышыг бир мәсәлә олдуғуну билдириб.
“Әҝәр Суријада истәнилән бир негатив вәзијјәт оларса, бу бизә дә тәсир едәҹәк. Сурија илә 600 километрлик сәрһәдә маликик вә ИШИД орададыр”, - дејә Әбдүлмеһди билдириб.
Ираг һејәтинин Дәмәшгә сәфәринин тәкҹә АБШ-ын ҝери чәкилмәсинин нәтиҹәләри илә бағлы олмадығыны дејән баш назир, бу сәфәрин Суријадакы ИШИД-ә гаршы даһа чох тәшәббүс ҝөстәрмәји һәдәфләдијини сөјләјиб. О, сәфәрин мәгсәдинин Сурија илә мөвҹуд әмәкдашлығы инкишаф етдирмәкдән ибарәт олдуғуну гејд едиб.
Хатырладаг ки, Ирагын милли тәһлүкәсизлик мүшавири Фалиһ Әл-Фәјјаз декабрын 29-у Суријанын президенти Бәшәр Әсәдлә ҝөрүшмүш вә Ирагын баш назири Адил Әбдүлмеһдинин месажыны она чатдырмышды.
Диггәт: Хәбәрдән истифадә етдикдә мәнбәјә истинад лазымдыр
