Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, ушаг гатили олан сионист исраил реиминә там дәстәк верән АБШ президенти Доналд Трамп Ағ Евдә Алманија канслери Анҝела Меркеллә бирҝә вердији мәтбуат конфрансында Иран Ислам Республикасынын нүвә програмыны Меркеллә мүзакирә етдијини диггәтә чатдырыб.
Иран Ислам Республикасына гаршы шиддәтли бәјанатларла чыхыш едән Трамп илк өнҹә белә дејиб: “Бу гана сусамыш режимин нүвә силаһына јахын белә дурмамасы үчүн, һәмчинин тәһлүкәли ракетләри јајмасына әнҝәл олмаг вә террора ҝөстәрдији дәстәјә сон гојмаг үчүн әлимиздән ҝәләни етмәлијик”.
Лакин журналистләрдән бири онун Иран Ислам Республикасына һәрби мүдахилә етмәјә һазыр олуб-олмадығы һагда суал етдикдә Трамп өзү дә билмәдән ИИР барәдә бир нечә санијә өнҹәки чыхышларыны унудараг дејиб: “Һәрби ҝүҹ тәтбиг едәҹәјик, ја јох, буну мүзакирә етмәк нијјәтиндә дејиләм, бу мәсәләни бурада мүзакирә етмәк јерсиздир. Анҹаг сизә бир шеји дәгиг дејә биләрәм, онлар һеч бир һалда нүвә силаһы һазырламајаҹаглар. Буна әмин олун”.
Диггәт: Хәбәрдән истифадә етдикдә мәнбәјә истинад лазымдыр
