Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ливан Һизбуллаһ Мүгавимәт Һәрәкатынын Баш Катиби Сејид Һәсән Нәсруллаһ, сионист Исраил илә апарылаҹаг һәр ҹүр јени мүһарибәдә сионист Исраилин рүсвај олаҹағы шәкилдә мәғлубијјәтә уғрадылаҹағыны вә бу мәғлубијјәтин 2006-ҹы илдәки мәғлубијјәтдән даһа бетәр олаҹағыны билдириб.
Һизбуллаһ баш катиби бу барәдә 2006-ҹы илдә сионист Исраил үзәриндә әлдә едилмиш 33 ҝүнлүк мүһарибә гәләбәсинин 11-ҹи илдөнүмү мүнасибәтилә дүнән етдији чыхышы заманы бәјан едиб.
Сејид Һәсән Нәсруллаһын етдији чыхышдан сәтир башлыгларыны тәгдим едирик:
"Бу ҝүн чох бөјүк бир ҝүндүр ки, бу ҝүндә Ливан мүгавимәт гүввәләри сионист режимин гәләбәсини гаршысыны алмыш вә планларыны позмушдур. Бу ҝүн дәјәр вердијимиз вә гәһрәманларымызын фәдакарлыгларыны хатырладан бөјүк бир ҝүндүр. 33 ҝүнлүк мүһарибәдән сонра әлдә етдијимиз гәләбәнин илдөнүмүнү һазырда әл-Хәјјамда гејд едирик. Әл-Хәјјам мүсәлманлар вә христианларын достлуг вә сүлһ ичәрисиндә бирҝә јашадығы бир бөлҝәдир. Бу бөлҝәнин халгы да бүтүн ливан халгы кими сионист режимин гаршысында 33 ҝүн мүгавимәт ҝөстәрди".
"Ијулда баш верән бу мүһарибә дүшмәнләрә дағ кими синә ҝәрән шәхсләрин фәдакарлыгларыны хатырладыр. Лакин Сионистләр онлары ҝөрәндә сичан кими гачырдылар. Ҝүнүмүздә дә Ливан әразисинә ҝирмәјә чалышан һәр һансы бир сионист ҝүҹ әввәлкиндән даһа бөјүк бир мәғлубијјәтә уғрајаҹагдыр".
"Мүгавимәтин мәғлубијјәтини арзулајанлар һәр ҹәһәтдән зијан вә зәрәр ҝөрүрләр вә бундан сонра да мәғлуб олаҹаглар".
"2006-дакы 33 ҝүнлүк дөјүшдә алынан гәләбә сионист Исраилин хәјаллары вә мәғлубедилмәзлик иддиаларыны јерлә бир етди. О гәләбәдән кечән 11 ил әрзиндә сионист режим һәлә дә бу мәғлубијјәтинин шокуну ата билмәјиб".
"Америка вә Исраил, Һизбуллаһ дағыдыҹы вә тәһлүкәли бир ҝүҹдүр дејирләр. Доғрудур, амма Һизбуллаһын бу ҝүҹү, шүбһәсиз ки, Исраил планларына гаршы тәһлүкәли вә дағыдыҹы бир ҝүҹдүр"
Диггәт: Хәбәрдән истифадә етдикдә мәнбәјә истинад лазымдыр
