Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ираг Тәһлүкәсизлик Гүввәләринин пајтахт Бағдадын шимал наһијјәсиндә апардыглары анти-террор әмәлијјатлары нәтиҹәсиндә бир груп вәһһаби террорчу һәбс едилиб.
Ираг Һәрби Тәһлүкәсизлик Идарәси бу һагда бәјанат верәрәк, гондарма “ИШИД” террор тәшкилатына бағлы “Шимали Бағдад Вилајәти” адлы террор групунун үзвләринин һәбс едилдијини вә хејли сајда одлу силаһларын кәшф едиләрәк мүсадирә олундуғуну вурғулајыб.
Ираг Һәрби Тәһлүкәсизлик Идарәсинин мәсулу палковник Ҹавад әл Муһәммәдави билдириб: “Һәрби Тәһлүкәсизлик Идарәси Ираг Милли Тәһлүкәсизлик Идарәсинин Бағдадын шимал наһијјәси үзрә Тәһлүкәсизлик шөбәси илә етдији әмәкдашлыг нәтиҹәсиндә Бағдадын әл Таримијјә мәнтәгәсиндә “Шимали Бағдад Вилајәти” ады алтында ҝизли фәалијјәт ҝөстәрән террор груплашмасыны кәшф едәрәк банданын бүтүн үнсүрләрини һәбс едиб. Белә ки, Тәһлүкәсизлик Гүввәләри террор груплашмасынын ҝизли гәрәрҝаһларына гәфил басгын едәрәк хејли сајда террорчуну һәбс етмәклә јанашы силаһ вә партлајыҹы маддәләр дә кәшф едәрәк зәбт етмишдир.”
Палковник Ҹавад әл Муһәммәдави гејд едиб: “Вахтында кәшф едиләрәк һәбс едилән силаһлы дәстә үнсүрләринин билдирбләр ки, онларын әсас һәдәфләри Имам Муса Казымын (әлејһи сәлам) Шәһадәтинин илдөнүмү ҝүнү Казимејн шәһәриндә хүсусилә дә Имам Мусаи Казымын (әлејһи сәлам) мүгәддәс һәрәминдә террор актларынын һәјата кечирмәси олуб.”
Гејд едәк ки, Ираг Һәрби Тәһлүкәсизлик Идарәси вердији бәјанатда билдириб ки, һәбс едилән вәһһаби террорчулары сырасында гондарма “ИШИД” террор груплашмасынын бир чох мәсул шәхсләри о ҹүмләдән, “ИШИД”-ин Идари вә Малијјә ишләри үзрә әмири вә Бағдадын әл Таримијјә мәнтәгәсиндә хејли сајда Ираг һәрбичиләрини, полис әмәкдашларыны Шәһаид едән снајперчиси дә вардыр.
Диггәт: Хәбәрдән истифадә етдикдә мәнбәјә истинад лазымдыр
