Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, февралын 2-дә Бакы Ағыр Ҹинајәтләр Мәһкәмәсиндә 2015-ҹи ил нојабрын 26-да Илаһм Әлијевин там нәзарәти илә, Нардаранда ДИХ-нин әмәкдашлары тәрәфиндән төрәдилән амансыз ҹинајәт актындан сонра ШӘРЛӘНӘРӘРК һәбс едилән Шиә руһаниси вә Гуран Һафизи Зүлфүгар Микајылов, Сејјид Елман Ағајев, Елдар Бүнјадов, Меһман Гулијев, Елхан Һәсәнов, Рамин Сејфуллајев, Рузи Исмајылов, Ҹабир Әлијев, Фаиг Аллаһвердијев, Әли Һүсејнов, Меһман Мәммәдов вә Мүбариз Ибраһимовун сөздә “ҹинајәт иши” үзрә мәһкәмәнин һазырлыг иҹласы давам едиб.
Әдаләтсиз һаким Зејнал Ағајевин сәдрлији илә кечирилән иҹласда тәгсирләндирилән шәхсләрдән Елхан Һәсәновун вәкили Рамиз Мәммәдов чыхыш едиб. О билдириб ки, мүдафиә етдији шәхс Нардаран һадисәсиндән хејли габаг Кәрбәла зијарәтиндә олуб:
“26 нојабр 2015-ҹи илдә Елхан Һәсәнов өлкәдә олмајыб. Елхан Һәсәнов 11 декабрда өлкәјә гајыдан заман Астара Ҝөмрүк Кечид Мәнтәгәсиндә сахланылараг Бакыја ҝәтирилиб. Тутулан вахт онун үзәриндә вә јүкүндә ахтарыш апарылмасы барәдә мәлумат јохдур. Бир ҝүн Бакыда сахланылдыгдан сонра ҝуја онда силаһ-сурсат олмасы һаггында мәлумат дахил олуб вә бундан сонра әмәлијјат групу онун Ләнкәрандакы евинә ҝедәрәк ахтарыш апарыблар. Апарылан ахтарыш заманы исә онун евиндән силаһ-сурсат вә Талеһ Бағырзадәнин мүраҹиәт китабчысы олдуғу дејилән китабчадан беш әдәд тапылыб”.
Вәкилин сөзләринә ҝөрә, бу, Ҹинајәт Проссесуал Мәҹәлләнин гајдаларынын кобуд шәкилдә позулмасыдыр:
"Чүнки ахтарыш апармаг үчүн мәһкәмәнин гәрары олмалыдыр. Лакин һәмин евдә ахтарыш бу гәрар олмадан һәјата кечирилиб".
Рамиз Мәммәдов билдириб ки, ахтарыш-ҝөтүрмә һаггында олан протокол ганунсуз олараг тәртиб едилдији үчүн сүбутлар сијаһысындан чыхарылмалыдыр. Бундан әлавә, вәкил ахтарышда иштирак едән 2 һал шаһидинин дә мәһкәмәдә диндирилмәсини истәјиб. Даһа сонра вәкил Рамиз Мәммәдов мүдафиә етдији шәхсә гаршы едилән ганунсузлуглардан данышыб:
“Елхан Һәсәнова верилән хасијјәтнамәдә о, Бен Ладен кими тәгдим едилир. Ҝуја Нардаран һадисәләри заманы Елхан Һәсәнов Ләнкәрандакы мәсҹиддә онларын тәблиғатыны апарыб. Һәмин вахт Елхан Һәсәнов фактики олараг өлкәдә олмајыб. Ләнкәранын иҹра башчысы Талеһ Гарашов Елхан Һәсәнова верилән хасијјәтнамәјә имза едиб. Хаһиш едирәм һәмин Талеһ Гарашов да ҝәлиб мәһкәмәдә ифадә версин”.
Полковник Мошу Пашајевин иштиракы илә она ишҝәнҹә верилиб
Даһа сонра иҹласда тәгсирләндирилән шәхсләрдән Сејјид Елман Ағајевин вәкили Акиф Әлијев вәсатәтлә чыхыш едиб. Вәкил билдириб ки, мүдафиә етдији шәхсин Ләнкәран шәһәриндәки мәнзилиндә ахтарыш Ләнкәран шәһәр Полис Шөбәсинин кечмиш рәиси Мөһүббәт Һүсејнов, онун мүавини вә диҝәр полис әмәкдашлары тәрәфиндән кечирилиб. Лакин ҹинајәт ишинин материалларында олан сәнәдләрдә ахтарышын БМҸМИ-нин әмәлијјат мүвәккили Елман Бајрамов тәрәфиндән кечирилмәси јазылыб:
“Елман Ағајев сахланылараг Бакыја, Баш Мүтәшәккил Ҹинајәткарлыгла Мүбаризә Идарәсинә ҝәтирилиб. Орада полковник Мошу Пашајевин иштиракы илә она ишҝәнҹә верилиб. Һазырда бәдәниндә ишҝәнҹә изләри вар. Орада башына олмазын ојунлары ачылыб. Она мәнәви вә физики ишҝәнҹәләр верилиб. Лакин бурада данышмаг олмур”.
Вәкилин сөзләринә ҝөрә, Е.Ағајевә ишҝәнҹә верәрәк силаһ вә Талеһ Бағырзадәнин китабчалары илә бағлы иттиһама разы олмасыны истәјибләр:
“Елман Ағајев онлара дејиб ки, диндар адамдыр вә силаһ иттиһамыны гәбул етмәк истәмир. Бундан сонра Талеһ Бағырзадәнин китабчалары илә бағлы иттиһамы мәҹбурән гәбул едиб. Ахтарыш-ҝөтүрмә протоколунда адлары гејд едилән һал шаһидләриндән Балахан Һүсејнов бир чох ишдә һал шаһиди кими иштирак едиб. Мошу Пашајевин јекунлашдырдығы бир чох ишдә һал шаһиди кими ады кечир. Бу да ону ҝөстәрир ки, һәмин шаһидин полисләрлә әмәкдашлығы вар”.
Вәкил Акиф Әлијев билдириб ки, мүвәккили 19 ҝүн БМҸМИ-дә сахланылса да, онлара бу һагда мәлумат верилмәјиб:
“Биз дәфәләрлә прокурорлуға мүраҹиәт етдик, лакин ҹаваб вермәдиләр. Онун өз вәкили ола-ола тәјинатла вәкил тәгдим едиб, сәнәдләри сахталашдырыблар. Мүдафиә һүгугу кобуд шәкилдә позулуб. Бу тамамилә сифаришли ишдир. Биз истинтаг органындан Мөһүббәт Һүсејнов, онун мүавини вә диҝәр полис әмәкдашларынын шаһид кими диндирилмәсини истәдик. Лакин әһәмијјәт вермәдиләр. Һеч олмаса ҝөрүнтү хәтринә буну едәрдиләр. Елман Ағајевин ҹинајәт тәгиби ганунсуздур”.
Вәкил ҹинајәт тәгибинә хитам верилмәсини истәјиб.
Һаким дә ҝөрдү ки, ајаг үстә дура билмирәм
ШӘРЛӘНӘН Шиә руһаниси Сејјид Елман Ағајев исә дејиб ки, ону һәбс-гәтимкан тәдбири сечмәк үчүн һаким Бабәк Һәсәновун јанына сүрүјүб апарыблар:
"Һаким дә ҝөрдү ки, ајаг үстә дура билмирәм. Ишҝәнҹәләрлә бағлы ҝәлиб бахдылар, дедиләр ки, ишҝәнҹә изи јохдур. Лакин өзүм әлимлә ҝөстәрмишдим. Инди дә о изләр галыр. Мәндән сонра гардашымы һәбс етдиләр, мәни аиләмлә һәдәләдиләр. Сиз һеч дүшмәнинизә дә буну арзу етмәзсиниз. Мәнә тәјинатла тәгдим едилән вәкил Рәһим Гурбанов иди. О да ҝәлиб ифадә версин”
Сејјид Е. Ағајев онун телефон данышыгларынын бир нечәсинә гулаг асылдығыны дејиб:
“Һәмин һадисәләр вахты телеканалларда бизи террорчу кими тәгдим едирдиләр. Кимсә дә ҝөрүб мәним адымы чәкирләр, зәнҝ едиб, марагланыб ки, ҝөрсүн һәбс олунмушаммы. Һәмин адамларын һамысыны ҹинајәткар ады илә һәбс едибләр. Иҹра башчысы Талеһ Гарашов мәним барәмдә рәј јазыб. Рәјдә мәни сепаратчы вә тәһлүкәли үнсүр адландырыб. Ләнкәранда мәмурларын өзбашыналығына ҝөрә сабитлик позуланда иҹра башчысы биздән көмәк истәјирди. Истинтаг заманы мәндән анҹаг Талеһ Бағырзадәни таныјыб-танымамағымы сорушублар. Һамы билир ки, Ләнкәранда наркоманија ҝениш јајылыб, СПИД хәстәлији јајылыб. Биз чыхышымызда пис нә демишик? Наркоманија, пис вәрдишләр, радикал тәригәтләрлә мүбаризә апармышыг. Әҝәр бизи чыхышымыза ҝөрә һәбс едибләрсә, буна ујғун да маддә версинләр. Бу иттиһамлары бизә јарашдырмаг олмаз. Аллаһ һәр шеји ҝөрүр”.
Вәкил Рамиз Мәммәдов исә билдириб ки, сон заманлар ким һәбс олунса, дејирләр, һәмин адам зибилликдән силаһ тапыб:
“Биз дә зибил атырыг. Һеч вахт силаһа раст ҝәлмәмишик. Бу, артыгкүтләвиһалалыб. Ја дејирләр силаһы зибилликдән тапыб, ја дејирләр танымадығы адамдан алыб. Адам танымадығы шәхсдән нијә силаһ алсын ки?”
Һаггы демәкдән башга мәним һеч бир фәалијјәтим олмајыб
Даһа сонра иҹласда Шиә руһаниси Гуран Һафизи Зүлфүгар Микајыловун вәкили Рүстәм Зүлфүгаров чыхыш едиб. О билдириб ки, мүдафиә етдији шәхс БМҸМИ-дә ишҝәнҹәјә мәруз галыб:
“Зүлфүгар Микајылова дејибләр ки, гејд олунан ифадәни имзаламасан сојундуруб лүт видеону чәкиб, интернетдә јајаҹағыг”.
Вәкилин сөзләринә ҝөрә, З.Микајыловун евиндә ахтарыш апармаға ҝәлән полис әмәкдашларынын видео ҝөрүнтүләри вар:
“Һәмин видеода ҝөрүнүр ки, полисләр гара торбаларда евә нәсә дашыјырлар. Бурадан ајдындыр ки, онлар ахтарышдан әввәл евә силаһ гојуб, сонра да ону чыхарыблар”.
Вәкил мүдафиә етдији шәхсин ҹинајәт тәгибинә хитам верилмәсини истәјиб.
Иҹласда чыхыш едән Зүлфүгар Микајылов исә билдириб ки, Азәрбајҹан халгы мүстәгиллик уғрунда сајсыз шәһидләр вериб:
“Биз истәмишик өлкәмиз, дөвләтимиз мүстәгил олсун, мәһкәмә мүстәгил олсун. Һеч ким бизим өлкәјә нәјисә диктә етмәсин. Бу ҝүн мәһкәмәләрин мүстәгил олмамасы шәһидләрин ганына һөрмәтсизликдир. Һаггы демәкдән башга һеч бир фәалијјәтим олмајыб. Бу гәдәр иттиһам верибләр, лакин һеч нә арашдырылмады. Мән евимин гаршысында һәбс олунмушам. Һәмин һадисәнин ҝөрүнтүләри дә вар. Мәнә дедиләр чыхаг евә. Биз евә чыханда дедиләр ки, пенҹәји сојун. Пенҹәји сојунанда ҝөрдүм арха ҹибимдә тапанча. Мән өмрүмү "Гуран" өјрәнмәјә сәрф етмишәм ки, террорчу олум? Десәләр дә, буна һеч ким инанмаз. Мәним фәалијјәтим ҝөз габағында олуб. Һәр заман дөвләтин јанында олмушам”.
Меһман Мәммәдовун вәкили исә һәбс-гәтимкан тәдбиринин ев дустаглығы илә әвәз едилмәсини истәјиб.
Диҝәр вәкилләр исә дејибләр ки, иттиһам актында мәһкәмәјә чағырылаҹаг шаһидләрин сијаһысы јохдур. Онлар мәһкәмәдән һәмин сијаһыны истәјибләр.
Просесдә чыхыш едән дөвләт иттиһамчысы исә һеч бир вәсатәтин тәмин едилмәмәсини истәјиб.
Мәһкәмәиҹласыфевралын 6-дадавамедәҹәк. Вәсатәтләрлә бағлы мәһкәмә гәрары һәмин ҝүн ачыгланаҹаг.
2015-ҹи ил нојабрын 26-да Баш Мүтәшәккил Ҹинајәткарлыгла Мүбаризә Идарәсинин әмәкдашлары Нардаран гәсәбәсиндә кечирдији әмәлијјат нәтиҹәсиндә “Мүсәлман Бирлији” Һәрәкатынын рәһбәри Талеһ Камил оғлу Бағырзадә Нардаран гәсәбәсиндә, Зүлфүгар Сәдрәддин оғлу Хырдалан рајонундакы шәхси мүлкүндә, Сејјид Елман Сејдәмир оғлу Ағајев исә 2015-ҹи илин 28 нојабрында Ләнкәран шәһәринин Диҝаһ кәндиндәки шәхси мүлкиндә сахланылыб.
Диггәт: Хәбәрдән истифадә етдикдә мәнбәјә истинад лазымдыр
