Әһлибејт (ә) Хәбәр Аҝентлијинин вердији мәлумата ҝөрә-Нардаран иши үзрә декабрын 21-дә кечирилән мәһкәмә иҹласында јенә дә тәгсирләндирилән шәхсләрин өзләринин иштиракына имкан верилмәјиб. Мүдафиәчиләр буҝүнкү иҹласда мәһкәмәдә Талеһ Бағыров вә диҝәрләринин иштиракынын тәмин олунмасы һагда вәсатәт галдырыблар. Вәкил Јалчын Иманов дејиб ки, тәгсирләндирилән шәхсләрин мәһкәмәдә иштиракына имкан верилмир, амма онлар һәр дәфә Күрдәханыдакы истинтаг тәҹридханасындан Бакы Ағыр Ҹинајәтләр Мәһкәмәсинә ҝәтирилир, сәһәрдән ахшама гәдәр сојуг зирзәмидә сахланылыр: “Нәтиҹәдә тәгсирләндирилән шәхсләрдән дөрдүнүн сәһһәтиндә ҹидди проблемләр јараныб. Әҝәр бу адамларын мәһкәмәдә иштиракы тәмин олунмурса, онлары ҝәтириб сојуг зирзәмидә сахламағын мәгсәди нәди? Бу, ишҝәнҹәнин бир нөвүдү. Бу адамлар һәм сахланылан ҝүн, һәм дә ондан сонра Баш Мүтәшәккил Ҹинајәткарлыгла Мүбаризә Идарәсиндә кифајәт гәдәр ишҝәнҹәләрә мәруз галыблар. Онлара мәһкәмәдә дә ишҝәнҹә вериләҹәксә, даһа нәји арашдыраҹағыг?”
Диггәт! Хәбәрдән истифадә едтикдә мәнәбјә истинад лазымдыр!
