Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Милли Мәҹлисин савадсыз депутаты Ағаҹан Әбијев медиаја мүсаһибәсиндә Ислам дини һаггында галмагаллы фикирләр сәсләндириб.
Кечмишин галығы олан “милләт вәкили” хариҹә тәләбәләрин јалныз јени технолоҝијалары өјрәнмәк үчүн ҝөндәрилмәсинин тәрәфдары олдуғуну дејиб: “Бизә ујғун, милләтимизә јарашан һәгиги дини ҹамаата чатдырмаг үчүн елә Азәрбајҹанда тәһсил алмаг олар. Һесаб едирәм ки, исламы һеч дә диндарлардан, илаһијјатчылардан аз билмирәм. Амма бу о демәк дејил ки, мән ҝедиб дини тәһсил, илаһијјат тәһсили вермәлијәм.
Бизим үчүн Америкада, Инҝилтәрәдә тәһсил алыб өкәјә гајыдан техника вә технолоҝијалар үзрә мүтәхәссисләр даһа фајдалыдыр. Бу ҝүнә гәдәр исламла, динлә нә тәјјарә, нә дә трактор јаратмышыг. Дин бу ишләрлә мәшғул дејил. Ислам јаранан ҝүндән, Мәһәммәд пејғәмбәр ортаја чыхандан индијә кими ислам елми техники тәррәгидә нәјә наил олду? Үмумијјәтлә, ислам дини һансы бир елми кәшфә имза атды? Һеч нәјә. Ислам јаранандан анҹаг тарихи өјрәнә билмишик.
Мән дин, ислам үчүн Америкаја, Авропаја, һәтта Ирана да ҝетмәјин гәти әлејһинәјәм. Мәсҹиддә олан дин хадимләримиз бу ишләрин өһдәсиндән ҝәлә биләр. Чүнки хариҹдә дини тәһсили аланлар сонрадан башымыза “Нардаран ојунлары”ны ачыр. Бир нәфәр ҝедиб хариҹдә охуду ҝәлди, Нардаранда нә ојун чыхартды, ган су јерины ахды, нә гәдәр инсан һәјатына сон гојулду. Нардаран ҹамаатыны бәдбәхт етди. Һәмин ҝүнләрдә нардаранлылар әсл зүлм чәкди”.
Даһа сонра дини тәһсилә гаршы чыхан атеист мәфкүрәли вә кечмиш коминизим галығы олан Ағаҹан әбијев Бакы Ислам Университетиндә илдә 2 мин манат тәһсил һаггы вериб охумағы “ағылсызлыг” адландырыб:
“Әҝәр кимсә 2000 манат вериб Бакы Ислам Университетиндә тәһсил алырса, һәгигәтән дә бу ағылсызлыгдыр. Шәхсән мән оғлуму, гызымы о университетә, о факүлтәјә охумаға бурахмаздым. Чүнки ил әрзиндә 2000 манаты илаһијјат факүлтәсинә вермәкдәнсә, јахшы бир университетдә ән лазымлы бир факүлтәдә охумаг олар. Бу ҝүн дүнја нанотехнолоҝијалардан тәһсил алыр. Биз исә илдә 2000 манат өдәјиб илаһијјаты өјрәнирик. Бүтүн дүнја инсанын нејроһүҹејрәләрини арашдырыр. Бизә бунлар лазымдыр. Ирси хүсусијјәтләр, ҝенетик коду өјрәнмәк үчүн нанотехнолиҝијалары өјрәнмәјин заманыдыр. 4 ил әрзиндә 8 мин манат өдәјиб ислам тәһсили алан адамы мән гәбул етмирәм.
7-ҹи әсрдә ислам дини јаранды. Мәҝәр 7-ҹи әсрдән 2-3 мин ил габаг сивилзасијалар, инкишаф јох иди? Әлбәттә вар иди. Гәдим јунан, Рома, Мисир, Месопотомија мәдәнијјәти олуб ахы. Муса, Иса вә Мәһәммәд пејғәмбәрдән ҝәлән һәр 3 китаб ејни шејдир. Һәр 3 китаб Аллаһын адындан јазылыб. Она ҝөрә дә илдә 2000 манат өдәјиб илаһијјатдан тәһсил алмаг мәнасыздыр”.
Гејд едәк ки, Једова Абрамов 31. 10. 2016 тарихдә Модерн сајтына вердији мүсаһибәдә белә демишдир: “Азәрбајҹанда Иранын тәсири алтында олан сајтлар, диҝәр КИВ органлары вар. Онлар мүтәмади олараг Иран сәфирлијиндән вә һаким даирәләриндән пакетләр алырлар.
Бизим Ирана гызынан, исинән журналистләримиз вар. Оларын аиләләри вә өзләри Ирана пулсуз сәфәрләр едирләр. Онлар да Иранын хүсуси хидмәт органларынын сифаришләрини јеринә јетирирләр. Ҝөрүнән кәндә нә бәләдчи лазымдыр ки...
… Исраил Азәрбајҹана вә Азәрбајҹан да Исраилә чох ҝәрәкли, лазымлы дөвләтләрдир.
Азәрбајҹанын һәмин бәзи КИВ-ләриндә јајымланан антиИсраил јазылар Азәрбајҹана хејир ҝәтирмәјиб вә ҝәтирмәјәҹәк дә. Бунлар Исраил-Азәрбајҹан мүнасибәтләринә һеч дә мүсбәт тәсирләр етмир. Она ҝөрә дә Азәрбајҹан да бунунла бағлы ҹидди аддым атмалы вә бу кими һалларын гаршысыны мүтләг алмалыдыр…
Диггәт: Хәбәрдән истифадә етдикдә мәнбәјә истинад лазымдыр
