Канадалы Һиҹаблы гадынын мүдафиә кампанијасы ишә башлады

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Канаданын шәргиндә јерләшән Квебек әјаләтинин Мәһкәмә Һакими Илјана Маринго вәтәндаш Ранија Әлул-а гаршы кобудлуг едәрәк ондан мәһкәмә заманы Һиҹабыны башындан ачмасыны вә јахуд да, Һаким гаршысында мүнасиб либасла! (нәзәрдә башы ачыг вә синәси ачыглыг тутулур) һазыр олмасыны тәләб едиб.

Һаким Маринго даһа сонра Мүсәлман гадындан тәләб едиб ки, ја Һиҹабыны ачараг мәһкәмә сессијасында иштирак етсин вә јахуд өзүнә вәкил тәјин етсин. Лакин Мүсәлман гадын билдириб ки, Һиҹабыны ачмагдан ваз кечир чүнки, о Һиҹабы дини етигади бахымындан долајы ҝејиниб вә вәкил тутмаға да ки, һеч бир мадди имканы јохдур. Бу сәбәбдән дә, Һаким мәһкәмәни нөвбәти ҝүнә тәхирә салыб.

Мәлумат иҹтимаи шәбәкәләрдә јајылдыгдан сонра Америка вә Канада Мүсәлманлары Һиҹаблы Гадынлар үчүн хүсуси илә дә, Ранија Әлулун мүдафиә кампанијасыны тәшкил едәрәк, Канада вә АБШ-да Һиҹаблы гадынлара гаршы олунан зүлмләрә етираз едибләр.

Белә ки, Канада Мүсәлманларындан ики нәфәри “Ранија Әлул үчүн машын алаг” шүары илә банк һесабы ачараг өлкә Мүсәлманларына бу һагда елан едибләр. Вә ҹәми үч ҝүн әрзиндә 43 мин Канада доллары һесаба төкүлүб.

Бу мүнасибәтлә Мүсәлманлар бәјанат јајымлајараг билдирибләр ки, Ранија Әлул зүлмә мәруз галыб вә онун һүгуглары Мәһкәмә тәрәфиндән кобуд сүрәтдә позулуб. Ранијаја гаршы олунан бүтүн һәрәкәтләр Канада секулар дөвләтинин вә Инсан Һаггларынын тәјин етдији ганунлара зиддир.

Гејд едәк ки, Ранија Әлул оғлунун полис тәрәфиндән сахланмыш машыныны мәһкәмә васитәси илә ҝери алмаг истәјәркән Һаким тәрәфиндән тәһгир вә зоракылыгла үзләшмишдир. Буна ҝөрә дә, Канадалы Мүсәлманлар Мүсәлман Гадынларынын мүдафиә кампанијасына башлајараг Ранија вә оғлу үчүн јени бир машын алараг кампанијанын ҹәм етдији пулларын галан һиссәси илә вәкил тутараг, диҝәр Мүсәлманларын һүгугларыны бәрпа едирләр.



Диггәт: Хәбәрдән истифадә етдикдә мәнбәјә истинад лазымдыр