Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бир мүддәт әввәл инша едилән вә истифадәјә верилән Һејдәр Әлијев Мәсҹидинә нә ахунд, нә дә онун мүавинләринин тәјинаты апарылыб. Гафгаз Мүсәлманлары Идарәсинин (ГМИ) сәлаһијјәтинә верилмәјән вә мүстәгил Мәсҹид кими фәалијјәт ҝөстәрән сөзүҝедән ибарәт јеринә ахунд олмаг истәјән исә јетәрли гәдәр чохдур.
ЖАМ.АЗ хәбәр верир ки, ахунд тәјинаты ишләрини Бакы Шәһәр Иҹра Һакимијјәти һәјата кечирәҹәк ки, бу заман мер Һаҹыбала Абуталыбовун да ишә гарышмаг мәҹбуријјәтиндә галдығы билдирилир. Бунунла бағлы редаксијамыза дахил олан мәлуматда вурғуланыр ки, шәһәр меринин оғлу Исрафил Абуталыбов Һејдәр Әлијев Мәсҹидинин ахунду кими, Азәрбајҹанда вәһһабиләрин ики апарыҹы рәһбәрләриндән бири олан Әлихан Мусајеви ҝөрүр.
Мәнбә иддиа едир ки, Ә.Мусајев сәнәдләрини артыг Бакы меријасына да тәгдим едиб. БШИҺ исә бүтүн намизәдләрин досјесини һазырлајараг, онлары Президент Адмнистрасијасына тәгдим едәҹәк. «Шәһәр меријасында Һаҹыбала Абуталыбовун әтрафындакы ҝәнҹ кадрларын ичиндә Әлихан Мусајевлә бағлы 3 нәфәр мәсул ишчи вар. Онлар идијә гәдәр өзләринин радикал дини ҹәрәјанын нүмајәндәси олдугларыны ҝизләтмәји баҹарыблар».
ЖАМ.АЗ-а јазан мәнбә һәмин шәхсләрин Исрафил Абуталыбовун сајәсиндә вәзифә башына ҝәтирилдикләрини дә иддиа едир. Онун иддиасына ҝөрә, гејд олунан адамлар һәфтәдә бир дәфә «Оскар» ресторанында гапалы отагларда Әлихан Мусајевлә ҝөрүшүрләр.
О да иддиа едилир ки, плана әсасән Әлихан Мусајев Һејдәр Әлијев Мәсҹидинә ахунд вә ја ахунд мүавини ҝәтирилә биләр. Һәтта о да вурғуланыр ки, онун тәјинаты мәсәләсинә ГМИ вә Дини Гурумларла Иш үзрә Дөвләт Комитәси гәти етираз едибләр. «Әлихан Мусајев о гәдәр әминдир ки, артыг әтрафындакы инсанлар она һәдијјәләр алыр вә тәбрик едирләр».
Мәнбә Бакы меринин оғлунун барәсиндә дә илҝинҹ иддиа ирәли сүрүб. Онун сөзләринә ҝөрә, Исрафил Абуталыбов һазырда Түркијәдә јашајыр вә Нүсра ҹәбһәси (Әл Гаидәнин Сурија голу) тәшкилаты илә әлагәли «Ихлас» адлы Хејријјә Тәшкилаты илә әмәкдашлыг едир.
Јазыда адлары кечән шәхсләрин дә мөвгејини дәрҹ етмәјә һазырыг.
Диггәт: Хәбәрдән истифадә етдикдә мәнбәјә истинад лазымдыр
ИШИД-ин Бакы Сcенариси
Абуталыбовун вәһһаби оғлу вәһһабиләри "Һејдәр" Мәсҹидинә ахунд ҝәтирмәјә чалышыр
3 fevral 2015 - 21:22
Xəbər kodu: 669124
Террорчу “Нүсра ҹәбһәси” тәшкилаты илә әлагәли «Ихлас» адлы Хејријјә Тәшкилатынын мүһүм әмәкдашы Исрафил Абуталыбов Һејдәр Әлијев Мәсҹидинин ахунду кими, Азәрбајҹанда вәһһабиләрин ики апарыҹы рәһбәрләриндән бири олан Әлихан Мусајеви ҝөрүр. Онун тәјинаты мәсәләсинә ГМИ вә Дини Гурумларла Иш үзрә Дөвләт Комитәси гәти етираз етсәләрдә лакин һөкүмәт дахилиндә бәзи шышкалар мәһз хәвариҹ «Әлихан Мусајеви» “Һејдәр” Мсҹидинә ахунд тәјин етмәк исрарындадырлар.
