Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Ингилаб Рәһбәри: Нано-технолоҝиjасы инсанларын һәjатында һисс олунмалыдыр
Ислам Ингилабынын Бөjүк Рәһбәри вурғулаjыблар ки, нано сәнаjеси үзрә әлдә олунмуш наилиjjәтләрин давам етмәси үчүн инсанларын елм вә тәдгигат саһәсиндәки ишләрин тәсирләрини өз һәjатларында һисс етмәләри лазымдыр.
Ислам Ингилабынын Бөjүк Рәһбәри Һәзрәт Аjәтуллаһулузма Хаменеи бу ҝүн сәһәр Имам Хомеjни(р.ә.) һүсеjниjjәсиндә тәшкил едилмиш нано-технолоҝиjасы сәрҝисинә бахыш кечирәрәк, өлкәнин ҝәнҹ алимләри вә мүтәхәссисләринин “нано вә био-технолоҝиjа” саһәсиндәки елми наилиjjәтләри вә сәjләри илә jахындан таныш олублар.
Һәзрәт Аjәтуллаһулузма Хаменеи нано-технолоҝиjасы вә био-технолоҝиjа саһәсиндә фәалиjjәт ҝөстәрән елм адамлары, тәдгигатчылар вә мәсул шәхсләр арасында етдикләри сөһбәтләр заманы бу саһәдә әлдә олунмуш наилиjjәтләри өлкәнин диҝәр саһәләрдә дә инкишаф етдирилмәси үчүн бир нүмунә адландырыб вә деjибләр: Бу наилиjjәтләр сүбут едир ки, бир груп мараглы, мүтәхәссис вә мәсулиjjәтли инсанын өз сәjини мүәjjән бир саһәjә jөнәлтдиjи заман бөjүк инкишафлар вә елми сычраjышларын шаһиди олмаг олар.
О һәзрәт “дәгиг програмлашдырма”, “сабит идарәчилик” вә “үстүн истедадларын ашкар едилмәси үчүн лазыми базанын jарадылмасы”ны нано-технолоҝиjасы саһәсиндә әлдә олунмуш наилиjjәтләрин горунмасы үчүн зәрури адландырыб вә деjибләр: Инкишафын давам етмәсинә сәбәб олан амилләрдән бири дә сиjаси марагларын елм вә тәдгигат атмосферинә сираjәт етмәсинин гаршысыны алмагдан ибарәтдир.
Һәзрәт Аjәтуллаһулузма Хаменеи “мәғрурлашмамаг” вә “мөвҹуд вәзиjjәт вә әлдә олунмуш наилиjjәтләрә гане олмамаг” кими принсипләри елми инкишафын сүрәтлә давам етмәсиндә әсас амилләрдән адландырыб вә деjибләр: Доғрудур, бу ҝүн иранлы ҝәнҹләрин истедады вә өлкәнин елми инкишаф сүрәти дүнjада мөвҹуд олан орта ҝөстәриҹидән даһа jүксәкдир вә буна мисал олараг, Иранын нано-технолоҝиjасында дүнjа өлкәләри арасында 7-ҹи пилләдә дурмасыны нүмунә ҝөстәрмәк олар. Амма тарихи бахымдан өлкәнин елм саһәсиндә ҝеридә галмасыны нәзәрә алараг, елми инкишаф һәр ҝүн даһа артыг сүрәтлә ирәлиjә доғру һәрәкәт етмәлидир.
Ислам Ингилабынын Бөjүк Рәһбәри зоракы гүдрәтләрин сиjаси, иҹтимаи вә мәдәни саһәләрдә мүстәгил давранмасына ҝөрә Иран халгы илә дүшмәнчилиjинә ишарә едәрәк, деjибләр: Бу дүшмәнчилик өзүнү мүхтәлиф саһәләрдә бүрузә верир. Буна ҝөрә дә лазыми игтидара наил олмаг үчүн һәр ҝүн даһа артыг ҝүҹләнмәк лазмдыр.
О һәзрәт нано-технолоҝиjасы саһәсиндә әлдә олунмуш наилиjjәтләрин сәнаjеләшдирилмәси, тиҹариләшдирилмәси вә мәһсулларын истеһлак базарларына чыхарылмасы, сәрвәтин истеһсалы саһәсинә jөнләндирилмәсини зәрури адландырараг, деjибләр: Нано саһәсиндә елми наилиjjәтләрин давам етмәсинә зәманәт верән әсас амилләрдән бири, халгын елм вә тәдгигат саһәсиндәки наилиjjәтләрин тәсирләрини ҝүндәлик һәjатында һисс етмәсидир.
Диггәт: Хәбәрдән истифадә етдикдә мәнбәjә истинад лазымдыр
