Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Түркијәнин Дјарбәкр вилајәтинин сакинләри сионистләрин планлары чәрчивәсиндә Ислам Пејғәмбәринә (сәлләллаһу әлејһи вә алиһ) гаршы тәһгир компанијасыны һәјата кечирән Франсанын мәнфур “Чарли Һебдо журналы” вә онун һимајәдарларына гаршы ҝениш мигјаслы етираз аксијасы һәјата кечирибләр.
100 миндән артыг инсан күтләсини өзүндә ҹәмләшдирән етираз компанијасында чыхыш едән Дјарбәкр руһаниси Осман Тифур билдириб: “Биз гәрблиләрә дејирик ки, сиз Ислам Пејғәмбәрини (сәлләллаһу әлејһи вә алиһ) тәһгир етмәклә биздә өзүнүзә гаршы јалныз нифрәт вә кин-күдрәт дујғуларыны шиддәтләндирирсиз”.
О, даһа сонра билдириб: “Сиз һәмин империалистләрсиниз ки, јер үзүндә фитнә-фәсаддан башга вә инсанлары дүз јолдан сапындырмагдан савајы һеч бир иш ҝөрмәмисиниз. Инди белә бир дурумда бизим Пејғәмбәримизәми (с) ҹәсарәт едирсиниз?”.
Осман Тифур сонра дејиб: “Сиз бу ишләриниз илә Мүсәлманлары гәзәбләндирирсиниз сонра да онлара террорчу ләкәсини јахырсыныз. Амма һамы чох ҝөзәл баша дүшүр ки, әсл террорчу вә бу ишин маһир устады елә сиз өзүнүзсүнүз”.
Түркијә руһаниси даһа сонра Мүгәддәс дәјәрләрә һөрмәтсизлик етмәкин фикир азадлығы илә һеч бир әлагәси олмадығыны бәјан едәрәк билдириб: “Истәнилән һәр бир шәхс истәдији дәјәрләрлә дүнјада јашаја биләр, лакин һамы буну билмәлидир ки, сөз вә фикир азадллығы кими мәсәләләр Ислами Дәјәрләри тәһгир етмәјә һеч бир иҹазә верә билмәз. Бу ҹинајәти төрәдәнләр дә билсинләр ки, Мүсәлман күтләсинин гәзәбинә ҝирифтар олаҹаглар”.
Дијарбәкр вилајәтинин самбаллы руһаниси Мүсәлманлар арасында јаранмыш ихтилафлара ишарә едәрәк билдириб: “Бүтүн бу ихтилафлар гәрбин фитнәсидир. Чүнки онлар Мүсәлманларын бирлијиндән бәрк һүркүјүрләр. Әҝәр мөһкәм бир иттифагымыз олсајды онда бүтүн Ислам Үммәти гәрб дүнјасы гаршысында дајанарды вә һеч ким дә Ислами Мүгәддәсләрә гаршы тәһгир етмәк фикриндә белә олмаздыр”.
Гејд едәк ки, мөһтәшәм митингдә Мүсәлманлар әләриндә “Күрдүстанда Һизбуллаһам”, “Биз Чарилијик Дејәнләрә Ләнәт Олсун” вә с. кими шүарлар тутмуш вә Муһәммәд Рәсулуллаһ кими бајраглар уҹалтмышлар.
Диггәт: Хәбәрдән истифадә етдикдә мәнбәјә истинад лазымдыр
