Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Суријанын Баш Мүфтиси Шејх Әһмәд Бәдруд Дин Һәсун һәзрәти Ханым Зејнәбин (сәламуллаһи әлејһа) һәрәмин зијарәт едиб.
Нубул вә Әл Зәһра шәһәрләриндә Шәһид оланларын јад едилмәси мәрасиминдә иштирак етмәк мәгсәди илә Ханым Зејнәбин (сәламуллаһи әлејһа) һәрәминә ҝәлән Шејх Әһмәд Бәдруд Дин чыхышында вурғулајыб: “Бу ики шәһәри горујан дөјүшчүләр Имам Һүсејнин (әлејһи сәлам) гијамындан илһам алараг террорчулара вә кафирләрә гаршы дөјүшүрләр”.
Шејх Һәсун, Нубул вә Әл Зәһра шәһәрләриндә Шәһид оланларын хатирәләрини јад етмәк мәгсәди илә һәзрәти Зејнәбин (сәламуллаһи әлејһа) һәрәминдә кечирилән аным мәрасиминә топлашан алимләр, тәләбәләр, Дәмәшг әһалисинин мүхтәлиф тәбәгә сакинләри вә мүгәддәс һәрәмин мүдафиәчиләри өнүндә Нубул вә Әл Зәһра шәһәр сакинләринә хитаб едәрәк билдириб: “Үммәтимизин башын уҹалтдығыныз үчүн тәк-тәкинизин алныны өпүрәм. Аллаһ сизи тутдуғунуз јолда сабитгәдәм едәҹәк, Аллаһын мәләкләри сизи горујаҹаг вә көмәкинизә тәләсәҹәкләр. Аллаһын көмәклији илә, гәләбә бизимләдир”.
Хатырладаг ки, Нубул вә Зәһра шәһәрләри 3 илдир гондарма “Ираг вә Шам Ислам Дөвләти”, “нүсрә” адлы азғын “сәләфи” террорчу груплашмаларынын давамлы ракет һүҹумларына мәруз галыб. Буна јеҝанә сәсбәб исә һәр ики Гәсәбә сакинләринин Әһли Бејт (әлејһимус сәлам) Мәктәбинин давамчылары олмасыдыр. Һәр ики шәһәр әһалиси азғын “тәкфирчи- сәләфи” јараглылары тәрәфиндән мүһасирәдә галараг мүхтәлиф әзаб вә әзијјәтләрә дөзүб дүшмән гүввәләринә тәслим олмадыглары үчүн Суријанын Мүгавимәт Символуна чеврилиб. Гејд олунан шәһәрләрдә 55- 60 мин Шиәнин јашадығы билдирилир.
Билдирәк ки, террорчуларын бу нөв вәһшиликләри бир даһа сүбута јетирир ки, Суријада мөвҹуд һакимијјјәтә гаршы дөјүшән азғын вәһаби үнсүрләрин мүһарибә етмәкдән мәгсәдләри, јалныз вә јалныз Ислам Үммәти дахилиндә Сүнни-Шиә савашыны аловландырмагдыр...
Диггәт: Хәбәрдән истифадә етдикдә мәнбәјә истинад лазымдыр
14 yanvar 2015 - 07:11
Xəbər kodu: 664675
Шејх Һәсун, Нубул вә Әл Зәһра шәһәрләриндә Шәһид оланларын хатирәләрини јад етмәк мәгсәди илә һәзрәти Зејнәбин (сәламуллаһи әлејһа) һәрәминдә кечирилән аным мәрасиминә топлашан алимләр, тәләбәләр, Дәмәшг әһалисинин мүхтәлиф тәбәгә сакинләри вә мүгәддәс һәрәмин мүдафиәчиләри өнүндә Нубул вә Әл Зәһра шәһәр сакинләринә хитаб едәрәк билдириб: “Үммәтимизин башын уҹалтдығыныз үчүн тәк-тәкинизин алныны өпүрәм. Аллаһ сизи тутдуғунуз јолда сабитгәдәм едәҹәк, Аллаһын мәләкләри сизи горујаҹаг вә көмәкинизә тәләсәҹәкләр. Аллаһын көмәклији илә, гәләбә бизимләдир”.
