Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Хебер 44 (Cenubnews.com) Интернет Гәзетинин тәсисчи-баш редактор Исламчы журналист Араз Гулијев вә Һиҹаб мәһбусу Анар Гасымлы 14 сајлы ҹәзачәкмә мүәссисәсиндән намәлум истигамәтә апарылыб. Диҝәр бир мәлуматда да онларын "Тубзон"а апарылдығы гејд едилир.
Бу ҝүн һәр ики Исламчынын јахынлары А. Гулијев вә А. Гасымлыны ахтармаг үчүн ады чәкилән ҹәзачәкмә мүәссисәсинә јолланыб.
Исламчы журналист Араз Гулијевин гардашы Азәр Гулијев вә Анар Гасымлынын анасы Кимјаханым Гасымлынын Ҹенубнеwс.ҹом-а вердији мәлумата ҝөрә, онлар ҝөрүш үчүн ҹәзачәкмә мүәссисәсинин әмәкдашларындан ҝөрүш истәјиб. ҸЧМ-нин әмәкдашы телефонла зәнҝ едәрәк һәбсхананын "јухары" рәис һејјәтинә билдириб ки, А. Гулијев вә А. Гасымлынын јахынлары онларла ҝөрүшмәк истәјир. Ҹаваб олараг "јухарыдан" билдирилиб ки,"онлар хүсуси тәјинатлыларла бура ҝөндәрилиб, сиз онларла ҝөрүшә билмәзсиниз."
Исламчы мәһбусларын аиләләри дә ҹәзачәкмә мүәссисәсинин әмәкдашларындан оранын рәиси Низами Гулијевлә ҝөрүшмәк истәдикләрини билдирибләр.
ҸЧМ-нин әмәкдашлары да мәлумат верәрәк гејд едибләр ки,"ҝөзләјин рәис сизи чөлдә гәбул едәҹәк"
Тәхминән бир саата јахын ҝөзләјән аилә үзвләри мүәссисәнин рәиси Н. Гулијевин һај-күјлү сәсини ешидиб она јахынлашыблар.
Н. Гулијевлә сөһбәт әснасында вурғулајыб ки,"ады чәкилән мәһбусларла јанашы үмумиликдә 25 мәһбус хәстә олдуглары үчүн мүраҹиәт едибләр. Вә биздә онлары мүајинәдән кечирмәк үчүн бура ҝәтирмишик. Һәлә 40 мәһбусдан да анализ ҝөтүрмүшүк онлар да бура ҝәтириләҹәк."
Н. Гулијевин бу ҹавабы Исламчы мәһбусларын аилә үзвләрини гане етмәјиб. Онлар билдириб ки,"бизим өвладларымыз сағ саламатдыр. Һеч бир хәстәликдән шикајәтчи дејилләр. Бу јахынларда да онларла ҝөрүшүб әлагә сахламышыг, сәһһәтләринин јахшы олдугларыны билдирибләр. Неҹә ола биләр ки, хәстә олмајан бир инсаны сиз бура ҝәтирәсиниз?! Биз тәләб едирик ки, өвладларымызы ҝөрәк. Ҝөрәк ки, онлар сағ вә саламатдырлар."
Ҹавабында мүәссисә рәиси Н. Гулијев билдириб ки, "14 сајлы ҸЧМ-дән онлары бура ҝөндәрәндә артыг 15 ҝүн "карс" ҹәзасы верилмишди. Биз дә гануна әсасән онлары тәјин олунмуш мүддәтә гәдәр "карс"да сахламалы олаҹағыг. Бундан сонра сиз онларла ҝөрүшә биләрсиниз."
Анар Гасымлынын анасы К. Гасымлы тәләб едәрәк билдириб ки,"мәним өвладымы мәнә ҝөстәрин. Бәлкә сиз мәним оғлуму дөјмүсүнүз?!"
Мәһбус Исламчыларын јахынлары һәмчинин гејд едиб ки, "бир мәһбусун ҝүнаһы варса о, һәмән һәбсханада "карс"а салынмалыдыр. Сиз сағлам адамы неҹә ҝәтириб бура салмысыныз?! Сағлам адамын бурда нә иши вар бизи өвладларымызла ҝөрүшдүрүн биз онлары ҝөрәк. Һәбсханада һансыса надзорлар мәһкуму дөјүб өлдүрүрсә буна ҝөрә, бизим өвладларымыз нијә ҹәза чәкмәлидир, нијә ишҝәнҹә верилмәлидир?! Нијә һәмән надзорларын төрәтдикләри ҹинајәтләр өрт-бастыр едилмәлидир?!"
Бу сөзләрдән сонра һәбсхана рәиси бу тәләбләрә мәһәл гојмајыб өз јолуна давам едир.
Исламчы мәһбусларын аилә үзвләри һәмчинин вуғулајыблар ки, бу барәдә Омбудсман Апаратына, Ишҝәнҹәләрә Гаршы Азәрбајҹан Комитәсинин сәдри Елчин Беһбудова вә Әдлијјә Назирлији Пенитенсиар Хидмәтинә шикајәт едибләр.
Ады чәкилән гурумлар гејд едибләр ки, бу барәдә арашдырма апарылаҹаг вә сизә билдириләҹәк.
Гејд едәк ки, декабрын 22-дә 14 сајлы ҹәзачәкмә мүәссисәсиндә 31 јашлы мәһкум Елшад Бабајев һәбсхананын 5 надзору - Фирдовси, Фаиг, Раһид, Исмајыл вә Вүгар тәрәфиндән ишҝәнҹә илә өлдүрүлмүшдү. Бундан сонра һәбсханада олан бүтүн мәһкумлар баш верән һагсызлыға гаршы етираз етмишдиләр.
Һәмчинин бу "Тубзон" дејилән һәбсхана азәрбајҹанда хүсуси олараг мәһкумларын дөјүлдүјү һәбсхана статусуну алыб.Мүәссисәнин рәһбәри Низами Гулијев дә азәрбајҹанда мәшһур мәһкум дөјән "түрмә рәиси" кими таныныр.
Диггәт: Хәбәрдән истифадә етдикдә мәнбәјә истинад лазымдыр
