Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, октјабрын 29-да Таҹикистан парламенти президент Имам Әли Рәһманын тәклиф етдији амнистија актыны гәбул едиб.
Имам Әли Рәһман өлкә конуститусијасынын 20 иллијинә һәср олунмуш амнистија акты лајиһәсини парламентә октјабрын 20-дә ҝөндәриб. 10 мин нәфәри әһатә едән амнистија 1991-ҹи илдә Таҹикистан мүстәгиллик газанандан бәри ән ҝениш әфв актыдыр.
Амнистија ҹәзасынын дөрддә үчүнү чәкмиш гадынлара, һәдди-бүлуға чатмајанлара, јашы 55-и кечмиш кишиләрә, диҝәр өлкәләрин әразисиндә һәрби әмәлијјатларда иштирак етдијинә ҝөрә ҹәза алмыш шәхсләрә, Таҹикистанда һәрби-сијаси гаршыдырмаларда иштирак едәнләрә, һәрби хидмәтдән јајынанлара, һәрби һиссәни өзбашына тәрк едәнләрә вә әҹнәбиләрә шамил едилир. Еһтијатсызлыгдан аз ағыр вә орта ағыр ҹинајәт төрәдәнләр, 5 илә гәдәр һәбс ҹәзасы аланлар да амнистијаја дүшүр.
Диггәт: Хәбәрдән истифадә етдикдә мәнбәјә истинад лазымдыр
