Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүн, 28 Октјабр, 2014 тарихдә, Али Хәлифә режимин мәһкәмәси, вәһһаби сүлалә һакимијјәтинин әсас мүхалифәти сајылан әл-Вифаг Ҹәмијјәтинин бүтүн фәалијјәтләрини гадаған етди.
Бәһрејн Вифаг Ҹәмијјәтинин һүгуги вәкили Әбдуллаһ әл-Шәлмави бу һагда билдириб: “Мәһкәмәнин гәрарына әсасән Вифаг Ҹәмијјәтинин бүтүн фәалијјәтләри 3 ај мүддәт әрзиндә дондурулур.”
Гејд едәк ки, Вифаг Ҹәмијјәти Бәһрејнин ән бөјүк мүхалифәтчи Шиә ҹәмијјәтидир. Вифаг Ҹәмијјәти 2002-ҹи илдән етибарән халг күтләсинин истәји вә мадди дәстәји илә јарадылмыш вә елә һәмин замандан да өз рәсми фәалијјәтинә башламышдыр. Халгын, Вифаг Ҹәмијјәтини јаратмагда әсас һәдәфи өлкәнин парлаг ҝәләҹәјини гурмаг вә һүгугларын мүстәви шәкилдә Сүнни вә өлкә иҹтимаијјәтиндән тәҹрид едилмиш Шиәләр арасында бөлүнмәсидир.
Диггәт: Хәбәрдән истифадә етдикдә мәнбәјә истинад лазымдыр
