Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, бу ҝүнләрдә Индонезиада парламент сечкиләри кечирилир. Мәлумата ҝөрә, сечкиләрин илкин нәтиҹәсиндә Индонезија Шиәләринин севимли шәхсијјәти профессор Ҹәлалуд Дин Рәһмәт сәс чохлуғу илә гәләбә газаныб.
Индонезијанын елми вә дини шәхсијјәтләриндән бири сајылан профессор Ҹәлалуд Дин Рәһмәтин бу ҝүнә кими һеч бир сијаси сәһнәдә фәалијјәти олмамышдыр. Анҹаг Индонезија Милли Азлыгларынын хүсуси илә дә, артыг бир нечә илә јахын өз јүрд вә јүваларындан говулмуш мәзлум Сампанҝ Шиәләринин һүгугларынын мүдафиәси мәгсәди илә, ҹари илин парламент сечкиләринә намизәдлијини ирәли сүрмүшдүр.
Индонезија Әһли Бејт (әлејһимус сәлам) Ҹәмијјәтинин (IJABI) Катиби, профессор Ҹәлалуд Дин Рәһмәт сечкиләрдә Бандунҝ вә Гәрби Бандунҝ мәнтәгәләриндә гәләбә газанараг өлкәнин Милли Мәҹлисинә кечә билиб.
Гејд едәк ки, Индонезијада кечирилән сечкиләр заманы, өлкәнин әсас стратежи постларына саһиб чыхмыш “вәһһаби” вә “тәкфирчи” сәләфиләр биһудә сәјләр ҝөстәрәрәк, профессор Ҹәлалуд Дин Рәһмәти “кафир”, “мүшрик” адландырмагла халгын она сәс вермәсинин өнүн алмаға чалышмышлар.
Ҹәлалуд Дин Рәһмәт кимдир?
Профессор Һаҹы Ҹәлалуд Дин Рәһмәт Индонезијанын танынмыш елм хадимләриндән биридир. О, Американын Ајува Штатынын университетиндә, Австралија Бејнәлхалг Арашдырма инистутунда вә Индонезија Максара Ислам университетиндә тәһсил алыб. Австралијадан “Сијасәт вә Бејнәлхалг Әлагәләр” үзрә докторалығыны алан Ҹәлалуд Дин Рәһмәт, “Һәдис Елмләри” үзрә докторалығыны Индонезијадан алыб.
Һаҹы Ҹәлалуд Дин Рәһмәт Индонезијада Шиә Мүсәлманларынын “Ikatan Jamaah AhlulBait Indonesia – IJABI” (Индонезија Әһли Бејт (әлејһимус сәлам) Ҹәмијјәти) адлы ән бөјүк мүәссисәсинин гуруҹусудур.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
