Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн, 5 Декабр, 2013 тарих, Теһран вахты илә 11:00 радәләриндә, Иран Ислам Республикасында ишҝүзар сәфәрдә олан Ираг Баш Назири ҹәнаб Нури әл-Малики Дүнjа Мүсәлманларынын Али Лидери, Аjәтуллаһ Узма Сеjjид Әли Хаменеи һәзрәтләри илә ҝөрүш кечириб.
Сәмими кечирилән ҝөрүш заманы Вәлиjjи Әмрил Муслимин Иран Ислам Республикасы илә Ираг Республикасы арасындакы сиjаси, игтисади әлагәләрин даһада мөһкәмләндирилмәсинин әһәмиjjәтли олдуғуна ишарә едәрәк билдириб: “Әлагәләрин ҝенишләндирилмәси үчүн мүхтәлиф саһәләр үзрә даһа ҝениш зәмин мөвҹуддур. Ираг вә мәнтәгә өлкәләри арасында әлагәләримизин ҝенишләндирилмәси jөнүндә исә һеч бир манеә мөвҹуд деjилдир”.
Дүнjа Мүсәлманларынын Али Лидери, Аjәтуллаһ Узма Сеjjид Әли Хаменеи һәзрәтләри даһа сонра билдириб: “Иран Ислам Республикасынын сон илләр әрзиндә елм саһәсиндә инкишаф вә тәрәгги етдиjи ҝөз өнүндә олан бир мәсәләдир. Бу елми тәҹрүбәләрин Ираг дөвләтинә өтүрүлмәси ики өлкә арасындакы әлагәләрин ҝенишләндирилмәси jөнүндә мүһүм амилләрдән биридир”.
Имам Хаменеи һәзрәтләри даһа сонра Ираг дөвләтинин мүхтәлиф саһәләрдә атдығы аддымлары мүсбәт дәjәрләндирәрәк билдириб: “Бу ҝүн өлкәниз үчүн атдығыныз аддымлар, олдугҹа дәjәрли аддымлардыр. Әлбәтдә геjд етмәлиjик ки, Ираг Республикасынын еһтиjаҹлары ҝөрүлән зәһмәтләр мүгабилиндә там һәллини тапмаjыр”.
Ислам Ингилабынын Рәһбәри даһа сонра Ираг Президенти Ҹәлал Талибани ҹәнабларыны Иран Ислам Республикасынын jахшы вә сәмими досту кими jад едәрәк онун саламатчылығы үчүн дуа етди.
Диггәт: Хәбәрдән истифадә етдикдә мәнбәjә истинад лазымдыр
