Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн Ливан вахты илә сәһәр радәләриндә Беjрутун ҹәнубунда, Биру Һәсән - әл-Ҹәнаһ мәнтәгәсиндә jерләшән Иран Ислам Республикасынын сәфирлиjи jахынлығында баш верән террор әмәлиjjаты заманы Иран Ислам Республикасынын Мәдәниjjәт Мәркәзинин мүдири Һөҹҹәтүл Ислам Шеjх Әнсари ҹәнабларынын һәлак олдуғу хәбәри сүрәтлә дүнjа медиаларында ишыгланды. Лакин ИИР Ислами Әлагәләр вә Мәдәниjjәт Тәшкилатынын Үмуми Әлагәләр шөбәси рәсми ачыглама jаjымлаjараг Һөҹҹәтүл Ислам Шеjх Әнсари ҹәнабларынын Шәһадәти илә әлагәдар хәбәри тәкзиб етмиш вә һазырда онун Беjрутдакы хәстәханаларын бириндә ҹәрраһиjjә әмәлиjjаты кечирәрәк мүалиҹә олдуғу хәбәри вериб.
Ачыгламада һәмчинин Әнсари ҹәнабларынын әмәлиjjатдан сонра дурумунун нисбәтән jахшы олдуғу вә һәкимләрин онун вәзиjjәти һагда никбин олдуглары билдирилир. Бунунла белә һәкимләрин давамлы сүрәтдә Һөҹҹәтүл Ислам Шеjх Әнсарини мүаjинә едир вә әлләриндән ҝәләни әсирҝәмирләр.
Диггәт: Хәбәрдән истифадә етдикдә мәнбәjә истинад лазымдыр
