Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjа Милли Ордусу, өлкәнин бир чох jерләриндә апардығы уғурлу әмәлиjjатларында дүшмән гүввәләринә ағыр иткиләр вермәкдә давам едир.
Суриjа медиаларынын билдирдиjи хәбәрләрдә дөвләт гуллугчулары тәрәфиндән сәләфи террорчуларына гаршы апарылан әмәлиjjатларда, “Ливау Товһид” адлы азғын сәләфи силаһлы груплашмасынын командири Јусиф әл-Әббасын һәлакәтә jетирилдиjи билдирилир.
Мәлуматда деjилир ки, Гәтәр вәһаби режими тәрәфиндән малиjjәләшән азғын “Ливау Товһид” груплашмасынын командирләри һәрби базаларын бириндә иҹлас кечиртдикләри заман Суриjа Һава Гүввәләринин гырыҹы тәjjарәләри тәрәфиндән һәдәфә алынараг, вәһаби jараглы үнсүрләрин Јусиф әл-Әббас адлы командири jериндәҹә ҝәбәрдилмиш, Әбдүл Гадир әл-Салиһ адлы даһа башга бир сәләфи командири ағыр бәдән хәсарәтләри алараг мүалиҹә үчүн Түркиjә торпагларынадкы хәстәханалардан биринә көчүрүлмүшдүр.
Һәмчинин Суриjа Милли Ордусу, Һәләб раjонунун гәрб бөлҝәси олан Муәррәтул Әртиг раjонунда апардығы анти-террор әмәлиjjатлары заманы, Суриjа Милли Ордусундан фәрар едәрәк дүшмән гүввәләринә сатылмыш “Һеjсәм Дәрвиш” адлы орду полковники өлдүрүләрәк ҹәзасына чатыб.
Әлдә олунан диҝәр мәлумата ҝөрә, Суриjа Милли Ордусу әл-Сәфирә jолу үзәриндә силаһлы террор груплашмаларынын һүҹумуну дәф едәрәк, дүшмән гүввәләрә ағыр зәрбәләр ендирибләр.
Суриjа Һәрби ресурсларынын билдирдиjинә ҝөрә исә, гондарма “Ираг вә Шам Ислам Дөвләти” адлы террор груплашмасынын әслән Сәуди Әрәбистанлы олан капитаны Әбу Тураб әл-Ҹунди өлдүрүләрәк һәлакәтә уғраjыб.
Диггәт: Хәбәрдән истифадә етдикдә мәнбәjә истинад лазымдыр
