Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Үмүмдүнjа Мүсәлманларынын Али Дини Лидери, Аjәтуллаһ Сеjjид Әли Хаменеи Иран Ислам Республикасынын Һәрби Мәктәбләрин мәрасиминдәки чыхышы заманы Иран Ислам Республикасынын Президенти Һөҹҹәтүл Ислам вәл Мүслимин Һәсән Руһанинин АБШ сәфәринә мүнасибәт билдириб.
Имам Хаменеи ҹәнаблары билдириб ки, Иран Ислам Республикасынын дөвләт рәсмиләринин Нjу-Јорк сәфәри заманы һәjата кечирдиjи дипломатик фәалиjjәти дәстәкләjир: «Биз һөкүмәтин дипломатик аддымларыны дәстәкләjирик вә дипломатик сәjләрә әһәмиjjәт веририк. Сон сәфәрдә оланлары дәстәкләjирик. Әлбәттә, бизим фикримизҹә Нjу-Јорк сәфәриндә баш верән бәзи олаjлар jерсиз иди. Анҹаг америкалылара һеч етимад етмирик. Чүнки АБШ рәһбәрлиjи етибарсыз, өзүнү һәр кәсдән үстүн тутан вә сөзүнә әмәл етмәjән бир рәһбәрликдир. Онлар беjнәлхалг сионизмин тәсир даирәсиндәдир. Она ҝөрә дә АБШ рәһбәрлиjи сионистләрин хәтринә бу гәсбкар режимлә (Фәләстин торпагларыны ишғал етмиш исраил) бирликдә аддымламаға вә сионизмә ҝөрә Исраиллә jанашы ҝетмәjә мәҹбурдур, Ирана гаршы jумшаглыг нүмаjиш етдирмир».
Али Мәгамлы Лидер Иран халгынын дүшмәнләринин иjрәнҹ тәһдидләрини ешитдикләрини деjәрәк, һәр ҹүр тәһдидә гаршы ҹидди вә ағыр ҹаваб вериләҹәjини вурғулаjыб.
Диггәт: Хәбәрдән истифадә етдикдә мәнбәjә истинад лазымдыр
