Әһли Беjт (әлеjһимус сәлам) -АБНА- Хәбәр Аҝентлиjи- Үмүдүнjа Мүсәлманларын Али Лидери Аjәтуллаһ Узма Сеjjид Әли Хаменеjинин Ислам Конфрансы Тәшкилатынын (һазыркы Ислам Әмәкдашлыг Тәшкилатынын) 8-ҹи Зирвә Топлантысынын ачылыш мәрасиминдә чыхышындан бир һиссә
Чыхышын тарихи: 1997-ҹи ил 9 декабр
Босниjада, Кәшмирдә, Сомалидә, Гарабағда вә диҝәр мәнтәгәләрдә мүсәлманлар проблемләрлә үзләшибләр. Ислам Конфрансы Тәшкилаты хүсуси комитәләрдән истифадә етмәклә проблемләрин һәлли истигамәтиндә бүтүн үзв өлкәләрин онда паjы олдуғу тәсирли аддымлары илә буну һәлл едә биләр .
Али Мәгамлы Рәһбәрин Һәҹҹ мәрасиминин мәсул вә өһдәдарлары илә ҝөрүшүндәки чыхышындан бир һиссә
Чыхышын тарихи: 1994-ҹү ил 20 апрел
Бизим өз jахынлығымызда, Азәрбаjҹан Республикасынын Гарабағ реҝионунда мүсәлманларын башларына ҝәлән фаҹиәләр һәмин (Босниjа вә Југославиjадакы) фаҹиәләр кимидир..
Али Мәгамлы Рәһбәрин Һәҹҹ мәрасиминин кечирилмәси мүнасибәтилә вердиjи бәjанатдан бир һиссә
Чыхышын тарихи: 1992-ҹи ил 7 иjун
Али Мәгамлы Рәһбәр бу бәjанатында "сивил" Авропанын мәркәзи Сараjевода мүсәлманларын амансызҹасына өлдүрүлмәсини, Гарабағда вә бүтүн Гафгаздакы мүһарибәләри АБШ һөкумәтинин башчыларынын Ислам вә Ислам һөкумәтинә гаршы дәрин вә тамам олмаjан кинләринин аҹы вә гәмли шаһиди кими хатырлатмышдыр .
Али Мәгамлы Рәһбәрин Тәбриз әһалиси гаршысында чыхышындан бир һиссә
Чыхышын тарихи: 1993-ҹү ил 27 иjул
Ермәнистан дөвләти вә Гарабағ ермәниләри бу мәнтәгәнин мүсәлманларына зүлм етмишдир. Биз, Гарабағ ермәниләринин Ермәнистан дөвләтинин дәстәjи илә етдикләри бу һәрәкәтләри писләjирик вә өлкәмиздә jашаjан ермәниләрин дә о мәнтәгә ермәниләринин әмәлләрини писләмәсини ҝөзләjирик вә буну елан едирик Ки, Гарабағ Ислам торпағыдыр.
Али Мәгамлы Рәһбәрин Азәрбаjҹан Республикасынын мәрһум президенти Һеjдәр Әлиjевлә ҝөрүшүндән
Ҝөрүшүн тарихи: 2002-ҹи ил 9 маj
Ислам Ингилабынын Бөjүк Рәһбәри Һәзрәт Аjәтуллаһ Хаменеи Азәрбаjҹан Республикасынын Президенти Һеjдәр Әлиjевлә ҝөрүшүндә Иран вә Азәрбаjҹан халглары арасындакы дәрин тарихи, фикри вә етигади бағлантылара ишарә едәрәк вурғулады: "Иран вә Азәрбаjҹан халглары тарих боjу бир халг олублар вә һазырда мүнасибәтләрин даһа да мөһкәмләндирилмәси һәр ики өлкәнин хеjринә олаҹагдыр ".
Бу ҝөрүшдә Һеjдәр Әлиjев Азәрбаjҹан вә Ермәнистан мүнагишәсинә ишарә едәрәк Иранын Азәрбаjҹан халгына етдиjи көмәкләринә ҝөрә тәшәккүр едәрәк артырды: "Биз инанырыг ки, бу мүнагишә ҝәрәк данышыглар jолу илә һәлл олунсун вә Иран Ислам Республикасы да бу мүнагишәнин һәллиндә иштирак етсин ".
Гаjнаг: http:// www.leader.ir/langs/fa (Ali Məqamlı Rəhbərin İnformasija Bloku)
Ислам Конфрансы Тәшкилатынын 8-ҹи Зирвә Топлантысы чәрчивәсиндә Азәрбаjҹан Ресубликасы Һеjдәр Әлиjевин Али Мәгамлы Рәһбәрлә ҝөрүшүндән
Ҝөрүшүн тарихи: 1997-ҹи ил 10 декабр
Бу ҝөрүшдә Али Мәгамлы Рәһбәр Азәрбаjҹан Республикасынын бәзи информасиjа васитәләринин jалан вә һәгигәтин әксинә олан тәблиғатларындан ҝилеjләнди вә өлкә президентиндән өз нүфузундан истифадә едәрәк Иран әлеjһинә дүшмәнҹә тәблиғин гаршысыны алмасыны истәди .
Ҝөрүшдә Азәрбаjҹан Президенти Һеjдәр Әлиjев Азәрбаjҹаны Ислам дүнjасынын аjрылмаз бир һиссәси кими тәгдим едәрәк деди: "Мәним өлкәм мүстәгилдир, өз дин вә иманыны һеч вахт әлдән вермәjәҹәк ".
О, өз дөвләтинин Иран Ислам Республикасы илә мүнасибәтләринин ҝенишләндирмәк истәмәсини вурғулаjараг деди: "Биз дә иранлы гардашларымыз кими сионистләри бүтүн мүсәлманлар үчүн тәһлүкәли билирик вә инанырыг ки, сионистләр биз мүсәлманларын үмуми дүшмәнидир ".
Гаjнаг: http://farsi.khamenei.ir/news-content?id=11375
Диггәт: Хәбәрдән истифадә етдикдә мәнбәjә истинад лазымдыр
