Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, ишғалч АБШ вә Гәрб өлкәләри, Јахын Шәргдә зор ҝүҹүjлә тәшкил етдикләри гулдур сионист режиминин тәһлүкәсизликини тәмин етмәк мәгсәди илә, Суриjа Мүгавимәт өлкәсиндә сүни гаршыдурмалар jарадараг, милjонларла вәтәндашларын jурд-jуваларыны тәрк етмәсинә вә jүз минләрлә ҝүнаһсыз инсанларын һәлак олмасына сәбәб олубар...
Суриjадан алынан мәлуматлара ҝөрә, бу ҝүн, өлкәнин Лазгиjә әjаләтиндә түрк, әрәб вә гәрб өлкәләри тәрәфиндән дәстәкләнән вәһаби азғынларынын төрәтдикләри нөвбәти күтләви мәзарлыг кәшф олунуб.
Бәлутә вә Әбу Мәккә гәсәбәләри арасында кәшф олунан күтләви мәзарлыгда, 12 ҝүнаһсыз вәтәндашын ҹәсәдләри ашкарланыб.
Суриjа Көнүллү Ордусунун капитаны бу һагда данышараг билдириб: “Кәшф олунан ҹәсәдләрин бир чохларынын башлары вәһаби террорчулары тәрәфиндән кәсилиб...”
Бәлутә гәсәбәсинин сакинләриндән бири исә билдириб: “Бу, бешинҹи күтләви мәзарлыгдыр ки, ашкарланыр. Јени кәшф олунан күтләви мәзарлыгда 12 ҹәсәд геjдә алыныб, онлардан jеддисинин кимлиjи артыг мүәjjәнләшдирилиб”.
Хатырладаг ки, өтән аjлар әрзиндә ганичән әл-Нүсрә террор груплашмасы вә саир террор груплары, Лазгиjә әjаләтинин әтраф мәнтәгәләриндә jашаjан гадын вә азjашлы ушаглардан 106 нәфәрини оғурлаjараг намәлум истигамәтләрә апарыблар. Бу ҝүнә кими оғурланан вәтәндашлар һагда һеч бир мәлумат jохдур.
Диггәт: Хәбәрдән истифадә етдикдә мәнбәjә истинад лазымдыр
