Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Инсан Һүгуглары Клубунун нүмајәндә һејәти Ҹеневрәјә сәфәр едиб.
Нүмајәндәләр ҝөрүшләрдә Азәрбајҹанда сијаси мәһбусларла бағлы вәзијјәтдән вә сәрбәст топлашмаг азадлығынын позулмасындан нараһатлыг ифадә едибләр, БМТ гурумларыны Азәрбајҹан һөкумәтинә тәзјигләри артырмаға чағырыблар.
Апрелин 30-да Азәрбајҹан БМТ Инсан Һүгуглары Шурасынын Универсал Дөврү Иҹмалынын мүзакирә субјекти олаҹаг. Мајын 3-дә исә Игтисади, Сосиал вә Мәдәни Һүгуглар үзрә Комитә Азәрбајҹана бахыш кечирәҹәк вә өлкәнин өһдәликләрә неҹә әмәл етмәсини гијмәтләндирәҹәк.
Инсан Һүгуглары Клубунун сәдри Рәсул Ҹәфәров мартын 27-дә Азәрбајҹан үзрә Универсал Дөврү Иҹмал өнҹәси сессијада чыхыш едәрәк БМТ Инсан Һүгуглары Шурасыны Азәрбајҹан һөкумәтинә сәрбәст топлашмаг азадлығы илә бағлы ганунвериҹилијин вә мөвҹуд практиканын јахшылашдырылмасы, бүтүн сијаси мәһбусларын азад олунмасы илә бағлы төвсијәләр ирәли сүрмәјә чағырыб.
Игтисади, Сосиал вә Мәдәни Һүгуглар үзрә Комитәјә тәгдим олунан һесабатда исә өлкәдә мүлкијјәт һүгугу вә артистик ифадә азадлығы илә бағлы мәлумат верилиб.
Диггәт: Хәбәрдән истифадә етдикдә мәнбәјә истинад лазымдыр
