Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Ираг сүнниләринин Мүфтиси Шејх Мәһди әл-Сумејдәи, АБШ ишғалчыларынын Ирагы ишғал етдикдән сонра өлкәдә дурумун гат-гат ағырлашдығыны билдирәрәк дејиб: “Америка Бирләшмиш Штатлары тәрәфиндән Ираг Республикасынын ишғал олунмасы, өлкәдә мүхтәлиф террорчу групларын јаранмасына сәбәб олуб. Һазырда һәмин террорчу дәстәләр Ирагда террор актларын һәјата кечирир вә өлкәнин мүстәгиллијинә ағыр зәрбәләр ендирмәјә чалышырлар”.
Шејх әл-Сумејдәи даһа сонра дејиб: “Ирагда јашајан мүхтәлиф тајфалар, өлкә сабитлијин бәргарар олмасы үчүн, ваһид бир мөвге тутмалы вә бу јолда дүзҝүн аддымлар атмалыдырлар”.
О, сонра дејиб: “Ираг, ишғал олундуғу замандан, 2003-ҹү илдән бәри, рәсмән террористләр үчүн тәлим мәканына чеврилди. Бу илләр әрзиндә, хариҹи гүввәләрә бағлы олан террористләр, елә ҹинајәтләр төрәдибләр ки, Ираг тарихиндә бунун охшары һәлә ҝөрүнмәјиб. Бүтүн бу ҹинајәтләр, мәһз АБШ-ын ишғалчы ордусу тәрәфиндән Мүсәлманларын ганыны ахытмаг мәгсәди илә һәјата кечирилиб”.
Сүнни Алими даһа сонра террористләрин әсас һәдәфләринин Ираг халгы олдуғуну билдирәрәк, гадын, ушаг вә гоҹалардан һимајәт олунмасыны истәјиб.
О, даһа сонра Ирагын Баш Назири ҹәнаб Нури әл-Маликијә атылан иттиһамлара, бәзи гоншу өлкәләрә (редактордан- Сәуди Әрәбистан, Түркијә вә Гәтәр) Бағдадда баш верән партлајышларла бағлы билдириб: “Бәзи гоншу дөвләтләрин, бизә гаршы хас дүшмәнчилик сијасәтләри мөвҹуддур. Онларын әсас сәјләри, өлкә дахилиндә мүхтәлиф тајфалар арасында дүшмәнчилик аловунун шөләндирилмәсидир”.
Шејх Мәһди әл-Сумејдәи һәмчинин тәкидлә билдириб: “Ирагда, өлкә мүстәгиллијинә зәрбәләр ендирән ҝизлин әлләр вардыр. Бу сәбәбдән дә, бүтүн Ираг Халгы, һамылыгла бирлијә тәрәф аддым атмалы вә амансыз дүшмәнин һијләләри гаршысында гәләбә чалараг, өлкәдә сабитлији бәрпа етмәлидир”.
Диггәт: Хәбәрдән истифадә етдикдә мәнбәјә истинад лазымдыр
