Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасынын (АИП) өтән ҝүн Президент Илһам Әлијевин әфв сәранҹамына мүнасибәт билдириб.
Партијанын сијаси мәсәләләр үзрә мүавини Һаҹы Акиф Һејдәрли дејиб ки, үмумијјәтлә, һәбс едиләнләрин әбәс јерә мәһкум олунмалары бејнәлхалг тәшкилатыарын һесабатларында әксини тапыб. Буна бахмајараг, бу инсанларын азадлыға бурахылмасы президентин сәлаһијјәтиндә иди.
О билдириб: "Бизим ҝөзләјирдик, әҝәр АИП үзвләри әфв олунсајдылар, дөвләт вә дин арасында јаранан бәзи проблемләр арадан галхарды. Бир сыра мүбаһисәли мәсәләләр һәллини тапарды. Истәмәздим ки, бејнәлхалг тәшкилатлар, инсан һүгуглары илә мәшғул олан грумлар бу мәсәләләрә гарышсын. Онлар сүбута јетирсинләр ки, һәбсдә оланларын һеч бир ҝүнаһы јохдур. Биз истәрдик, президентин өзүнүн сијаси ирадәси илә бу мәсәлә һәллини тапсын".
Онун сөзләринә ҝөрә, бу мәсәлә ҝүнаһсыз инсанларын мүраҹиәтләри илә дејил, објектив һәлл олунмалыдыр. Белә олан тәгдирдә ҹәмијјәтдә сағлам әһвал-руһијјә формалашар. Бу, ҝәләҹәјимиз үчүн олдугҹа ваҹиб шәртләрдән биридир. Бу, дөвләтчилијимизин мөһкәмләнмси үчүн ваҹиб шәртләрдин биридир. Буна јалныз президент сәлаһијјәтләриндән истифадә етмәклә наил ола биләр".
Диггәт: Хәбәрдән истифадә етдикдә мәнбәјә истинад лазымдыр
