Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасы һәбс едилмиш Исламчыларла бағлы Исламчыларын һүгугларыны Мүдафиә Комитәсинин һүгуг мүдафиәчиләри олан Новелла Ҹәфәр оғлу, Сәидә Гоҹаманлы, Сәадәт Бәнијанарлыја вә мәлумат үчүн Мусават Партијасынын сәдри Иса Гәмбәрә мүраҹиәт үнванлајыб.
Мүраҹәтин мәтнини сизләрә тәгдим едирик.
Азәрбајҹан Ислам Партијасынын вә һәбс едилмиш Исламчыларын һүгугларыны Мүдафиә Комитәсинин һүгуг мүдафиәчиләри олан Новелла Ҹәфәр оғлу, Сәидә Гоҹаманлы, Сәадәт Бәнијанарлыја вә мәлумат үчүн Мусават Партијасынын сәдри Иса Гәмбәрә Мүраҹиәт:
Һөрмәтли һүгуг мүдафиәчиләри! Биз әминик ки, Сизләр дә Азәрбајҹанда һәгиги демократик, һүгуги дөвләтин гурулмасы идејасыны мүдафиә едирсиниз.
Биз инанмаг истәрдик вә инанырыг да ки, Сизләр һеч заман Азәрбајҹан Ислам Партијасына вә үмумиликдә исламчылара гаршы ирәли сүрүлән сахта, шәр вә бөһтан долу иттиһамлары, исламчыларын дөвләт әлејһинә олмалары иддеаларыны гәбул етмир вә сијаси сифариш әсасында чыхарылан сахта мәһкәмә һөкмләрини гәбул етмирсиниз.
Сизин инсан һаглары вә һүгугларынын мүдафиәчиси кими шәрәфли вә мәсул бир иш уғрунда вә Азәрбајҹанда ганунун алилији уғрунда мүбариз инсанлар олдуғунузу бир даһа бүтүн ҹәмијјәтә чатдырмаг үчүн АШПА-нын Баш Катибинин мүавини ханым Габриела Баттаини-Драгони вә АШПА-нын сијаси мәһбуслар проблеми үзрә хүсуси мәрузәчиси ҹәнаб Кристофер Штрассер ашағыда адлары чәкилән исламчылар
1. Аббасов Фәрамиз
2. Ахундзадә Руһулла
3. Абдуллајев Вагиф
4. Илјасов Фәхри
5. Мәммәдјаров Фирдовси
6. Сәмәдов Дәјанәт
7. Сәмәдов Мөвсүм
8. Ҹәбијев Азәр
Сәид Дадашбәјли групу:
1.Ағајев Фәрид Надир оғлу
2.Әлијев Ҹејһун Салеһ оғлу
3.Әлијев Рәшад Исмајыл оғлу
4.Дадашбәјли Сәид Әләкбәр оғлу
5.Гоҹајев Самир Едик оғлу
6.Гулијев Бәјбала Јаһја оғлу
7.Идрисов Микајыл Гәриб оғлу
8.Кәримов Расим Рафиг оғлу
9.Кәримов Ҹаһанҝир Рамиз оғлу
10.Меһбалијев Емин Нурәддин оғлуну һәгигәтән сијаси мәһбус кими таныјаҹагсыныз вә исламчыларын сијаси сифариш әсасында сахта иттиһамларла һәбс олунмаларыны тәсдиг едән мәктуба имза атаҹагсыныз.
Инанырыг ки, Сизләр һүгуг мүдафиәчиси кими АШПА-нын хүсуси мәрузәчиси Штрассерин һазырладығы сијаси мәһбус сијаһысында исламчыларын адларынын олмасыны вә АШПА-нын јекун гәтнәмасинә салынмасыны мүдафиә едәҹәк вә АШПА-ја үнванланаҹаг мәктубу имзалајаҹагсыныз.
Биз һәмчинин Мусават партијасынын чох һөрмәтли сәдри Иса Гәмбәрин Мусават диваны үзвүләринин әлејһинә чыхмағын бирбаша Мүсават Партијасы әлејһинә чыхмаг кими дәјәрләндирмәси фикринә сајғы вә диггәтлә јанашырыг вә ејни заманда инанырыг ки, Иса бәј дә АИП сәдри Һаҹы Мөвсүм Сәмәдов башда олмагла исламчыларын сијаси репресија гурбанлары олдуғуна,онларын сахта иттһамларла сијаси сифариш әсасында һәбсдә олдугларына инаныр вә исламчыларын тезликлә азад олунмасы үчүн лазым олан зәрури гәрарларын гәбулунда әдаләтли мөвге тутаҹаг. Биз инанырыг ки, мусаватчылар һәр заман сијаси репресијалара мәруз галдыглары заман исламчылар тәрәфиндән мудафиә олундуглары кими, бизим сијаси мәһбусларымызы да лајигли мүдафиә едәҹәкләр.
Һөрмәтлә: Азәрбајҹан Ислам Партијасынын сәдр әвәзи Елчин Манафов
Һәбс едилмиш Исламчыларын Һүгугларыны Мүдафиә Комитәсинин сәдри Натиг Кәримов
Диггәт: Хәбәрдән истифадә етдикдә мәнбәјә истинад лазымдыр
