Әһли Бејт -АБНА- хәбәр аҝентлијинин вердији хәбәрә әсасән бу ҝүн Бакы Апеллјасија Мәһкәмәсиндә Мүбариз Руһани Һаҹы Абҝүл Сүлејмановун мәһкәмәси кечирилмәли иди. Лакин һаким мәһкәмә проссесини гејри мүәјјән тарихә тәхирә салыб.
Мәһкәмәнинин тәхирә салынмасына сәбәб исә Һаҹы Абҝүл Сүлејмановун вәкили Рүстәм Зүлфүгаровун илк мәһкәмә иҹласындан Али мәһкәмәјә шикајәт вермәси олуб.
Вәкил билдириб ки, “Һазырлыг просесиндә мүдафиә тәрәфи мәһкәмә истинтагынын кечирлмәсинә даир вәсатәт галдырмышды. Амма һаким Мирпаша Һүсејнов бу вәсатәти тәмин етмәмишди. Биз бу гәрардан Али Мәһкәмәјә шикајәт етдик. Бу ҝүн һәмин шикајәтин сурәтини һакимә тәгдим етдим. Кассасија шикајәтинә ҹаваб ҝәләнә гәдәр апеллјасија мәһкәмәси кечирилмәјәҹәк”.
Билдирәк ки, мәһкәмә кечирилмәсә дә, руһани мәһкәмәјә ҝәтирилиб.
*** *** ****
Руһани Илгар Әлијевин мүһакимәси исә ајын 18-нә галды
Руһани Илгар Әлијевин Ҹәлилабад Рајон Мәһкәмәсиндә кечириләҹәк мүһакимә просеси октјабрын 18-нә кечирилиб.
Вәкил Тағы Ибраһимов билдириб ки, 17 октјабр просеси онун шәхси истәји илә тәхирә дүшүб: “Башга проблемим үзүндән иши сабаһа сахламағы хаһиш етдим”.
Хатырладаг ки, Руһани Илгар Әлијев бу илин феврал ајында бнам “евровисион” фәсад јарышмасына етираз етмәси илә әлагәдар тутулуб. Илаһам Әлијев режими Руһанини Ҹинајәт Мәҹәлләсинин 234.1-ҹи маддәси илә (сатыш мәгсәди олмадан ганунсуз олараг наркотик васитәләри вә ја психотроп маддәләри шәхси истеһлак мигдарындан артыг мигдарда әлдә етмә вә ја сахлама) ШӘРРЛӘЈИБ.
*** *** ***
Баш редактор Ниҹат Әлијевин мәһкәмәси кечирилди. Истинтаг мүддәти исә бир ај тәхирә салынды
Бу ҝүн баш редактор Ниҹат Әлијевин һәбсдә сахлама мүддәтинин узадылмасына даир мәһкәмәси кечирилиб.
Бакы шәһәри Нәсими Рајон Мәһкәмәсиндә кечирилән гапалы просесдә әнәнәви олараг 4-ҹү дәфә истинтаг мүддәти артырылыб.
Мәһкәмәдә һаким гәрары илә истинтаг мүддәти даһа бир ај да узадылыб. Ниҹат Әлијевин вәкили Анар Гасымлы билдириб ки, бу ҹүр һалла илк дәфәдир ки, растлашыр. Сајҹа 4-ҹү дәфә артырылан истинтаг мүддәтиндә һеч бир истинтаг апарылмыр. Верилән вәсатәтләрә исә бахылмыр.
Гејд едәк ки, Ниҹат Әлијев 20 мај тарихиндә һәбс олунмушду вә һәмин тарихдән етибарән барәсиндә 5 ај истинтаг мүддәти верилмишдир.Ислам Азери
Диггәт: Хәбәрдән истифадә етдикдә мәнбәјә истинад лазымдыр
