Әһли Бејт -АБНА- хәбәр аҝентлијинин вердији хәбәрә әсасән Ливанын ҹәнубунда кечирилән издиһамлы митинг заманы Һизбуллаһ лидери Сејид Һәсән Нәсруллаһ ҝөзләнилмәдән халгын гаршысына чыхыб.
Һәзрәти Пејғәмбәри (сәлләллаһу әлејһи вә алиһ) тәһгир едән филмә етираз етмәк үчүн тәшкил олунан митингә јүз миндән артыг адам топлашыб.
Сејјид Һәсән Нәсруллаһын ишғалчы сионист режим тәрәфиндән ачыг-ашкар террорла олунан һәдәләринә бахмајараг ҝөзләнилмәдән халгын гаршысына чыхмасы, халгы ҹошдуруб вә бир нечә нәфәри һәјәҹандан бајылдыб.
Һизбуллаһ лидери чыхышы заманы АБШ вә ишғалчы сионист исраил режими кәскин шәкилдә писләјәрәк “Мүсәлманларын мәсумлуғу” филминин чәкилмәсиндә мәһз онларын мүгәссир олдуғуну билдириб.
Сејјид Һәсән Нәсруллаһ етираз аксијасында даһа сонра билдириб: “Гејд олунан мәнфур филимин јајымынын гаршысы мүтләг алынмалыдыр. Вә һәмишәлик олараг Ислам Пејғәмбәринә (сәлләллаһу әлејһи вә алиһ) јөнәлмиш тәһгирләр сона јетмәлидир. Халг исә, мәнфур филимин јајымына сәј едән бүтүн интернет сајтлары блокламалыдырлар”.
Һизбуллаһын Баш Катиби сонра тәкидлә дејиб: “Америка мүтләг анламалыдыр ки, бу филимин јајымы бөјүк фәлакәтләрә сәбәб олаҹаг”.
Сејјид Һәсән Нәсруллаһ даһа сонра билдириб: “Бу етираз аксијасы һечдә мүвәггәти дејилдыр. Бу олдугҹа ҹидди бир һәрәкатын башланғыҹыдыр. Бүтүн Мүсәлманлар мүтләг бу һәрәкатда ваһид бир јол илә һәрәкәт етмәлидирләр”.
Нәсруллаһ гыса чыхышынын сонунда Һәзрәти Пејғәмбәрә (с) хитаб едәрәк дејиб: "Еј Аллаһын пејғәмбәри! Ҹаным вә ганым, атам вә анам, аиләм вә өвладым, һәр шеј сәнә фәда олсун. Аллаһ шаһиддир вә шәһидләримизин ганы, әлилләримизин јарасы вә виран едилмиш евләримиз дә шәһадәт верир ки, сусмајаҹағыг вә сон дамла ганымыза гәдәр сәни мүдафиә едәҹәјик".
Диггәт: Хәбәрдән истифадә етдијдә мәнбәјә истинад лазымдыр
