Әһли Бејт -АБНА- хәбәр аҝентлијинин вердији хәбәрә әсасән Исраил мәтбуаты бу өлкәнин Азәрбајҹанла әлагәләри вә Ҹәнуби Гафгаздакы фәалијјәти илә бағлы јени мәлуматлар ачыглајыб. Ҝунхебер.ҹом-ун бу өлкәнин Ј-нет сајтына истинадән вердији мәлумата ҝөрә, сөзүҝедән сајтда “Исраилин јени достлары” башлыглы мәгаләдә јәһуди дөвләтинин реҝиондан кәнарда јени мүттәфигләр ахтардығы вурғуланыр. Ејни замнда бу өлкәнин Түркијә, Јунаныстан вә бир сыра Африка илә мүнасибәтләриндән бәһс олунур.
Ејни заманда Иранла мүнасибәтләрин сон ајларда даһа да ҝәрҝинләшдији гејд едилир. Мәгаләдә Исраилин бу мәрһәләдә Азәрбајҹан вә Ҝүрҹүстанла әлагәләри ҝүҹләндирдији вурғуланыр. Мүәллиф јазыр ки, мәлумата ҝөрә, Исраилин Иранын јахынлығында олан һәр ики өлкәдә һәрби структурары вә кәшфијјат мәлуматлары топлама мәнтәгәләри фәалијјәт ҝөстәрир: “Белә стансијалар Ислам Республикасынын нүвә програмынын инкишафыны ҝеҹикдимәк мәгсәди үчүн Иран әрзиндә ҝизли әмәлијјатлара көмәк едә биләр”.
Диггәт: Хәбәрдән истифадә етдикдә мәнбәјә истинад лазымдыр
