Әһли Бејт -АБНА- хәбәр аҝентлијинин вердији хәбәрә әсасән февралын 24-дә Нәсими Рајон Мәһкәмәсиндә мәһбус руһани Һөҹҹәтүл Ислам Сејјид Фәрамиз Аббасовун оғлу Һөҹҹәтүл Ислам Сејјид Әмин Аббасовун иши үзрә һазырлыг иҹласы кечирилиб.
Вәкил Мәнсум Бајрамовун вердији мәлумата ҝөрә, ишә һаким Шәлалә Һәсәнованын сәдрлији илә бахылыб.
Һөҹҹәтүл Ислам Сејјид Әмин Аббасов барәсиндә галдырылмыш иттиһам үзрә өзүнү тәгсирли билмәјиб. Вәкил исә һүгугларыны мүдафиә етдији шәхс барәсиндә сечилмиш һәбс гәтимкан тәдбиринин ев дустаглығы илә әвәз едилмәсинә даир вәсатәт галдырыб, амма вәсатәт тәмин олунмајыб.
Просес мартын 2-дә давам едәҹәк.
Хатыырлдаг ки, өтән ил әлијевләр режиминин Ағыр Ҹинајәтләр Мәһкәмәсинин һөкмү илә 11 ил азадлыгдан мәһрум едилән руһани Һөҹҹәтүл Ислам Сејјид Фәрамиз Аббасовун оғлу Әмин Аббасов мөвҹүд режим тәрәфиндән Ҹинајәт Мәҹәлләсинин 127.2.1 (гәсдән сағламлыға аз ағыр зәрәр вурма - зәрәрчәкмиш шәхсин хидмәти вәзифәсини вә ја иҹтимаи борҹуну јеринә јетирмәси илә әлагәдар онун өзү вә ја јахын гоһумлары барәсиндә төрәдилдикдә) вә 221.2 (бир груп шәхс тәрәфиндән хулиганлыг) маддәләри илә ШӘРЛӘНИЛӘРӘК иттиһам олунур. әлијевләр Апеллјасија Мәһкәмәси онун һаггында 1 ај мүддәтинә һәбс гәтимкан тәбдири сечиб.
Бу маддәләрлә иш 2011-ҹи илин сентјабр ајындан Нәсими Рајон Полис Идарәсиндә галдырылыб вә индијә гәдәр Һөҹҹәтүл Ислам Сејјид Әмин Аббасов һәмин ҹинајәт иши үзрә шаһид гисминдә диндирилиб.
Шикајәтчи Һөҹҹәтүл Ислам Сејјид Әмин Аббасовун атасы Һөҹҹәтүл Ислам Сејјид Фәрамиз Аббасова гаршы ифадә вермиш әлиһүсејн кәримовдур. әлијевләр Ағыр Ҹинајәтләр Мәһкәмәсиндә Исламчыларын просеси ҝедән заман мәһкәмә бинасынын гаршысында инсидент олуб. әлиһүсејн кәримовун бу инсидентдә хәсарәт алдығы дејилир. Лакин истинтаг она кимин хәсарәт јетирдијини мүәјјән етмәјиб. Гејд олунуб ки, ҝүја она Һөҹҹәтүл Ислам Сејјид Әмин Аббасов вә гејриләри хәсарәт јетириб. Бу ишлә әлагәдар Сејјид Әминин баҹысы Ајнур ханым да шаһид гисминдә ифадә вериб. әлиһүсејн ону да хәсарәт јетирмәкдә ҝүнаһландырыб, амма истинтаг буну мүәјјән етмәјиб.
Нәсими Рајон Мәһкәмәси истинтаг тәдгигаты битдији үчүн Һөҹҹәтүл Ислам Сејјид Әмин Аббасов барәсиндә һәбс гәтимкан тәдбири сечмәмишди. Лакин мәнфур әлијевләр режимин Апеллјасија Мәһкәмәси февралын 10-да онун 1 ај мүддәтинә һәбс едилмәсинә гәрар вериб.
Диггәт: Хәбәрдән истифадә етдикдә мәнбәјә истинад лазымдыр
