Әһли Бејт -АБНА- хәбәр аҝентлијинин вердији хәбәрә әсасән: Мәлум олдуғу кими, бу илин әввәлләриндән старт дүјмәси басылан антикоррупсија тәдбирләри артыг баша чатыб. Һәтта илкин дөнәмдә бир-биринин ардындан аз гала сосиализм јарышмасына чыхараг «коррупсија илә мүбаризә» иҹласлары кечирән назирликләр дә һесабат ачыгламаг нијјәтиндән узаг ҝөрүнүрләр вә үмумијјәтлә, сусурлар.
Һәтта бу просесдә ән чох һәдәфә алынан истигамәтләрдән бири кими диггәтә ҝәлән һәрби чағырыш системиндәки тәлатүмләр дә јарымчыг дајандырылды вә мәлум олду ки, әслиндә коррупсија илә мүбаризәнин өзү јени коррупсија үчүн бир васитәјә чеврилиб. Јәни рәһбәр өз ишчисинин, ишчиси дә өз табечилијиндә олан шәхсин «сәни коррупсионер кими һәһбс етдирәрәм, ишдән чыхардарам» һәдәси илә пулуну алмагла, бу просес битмиш олду.
Бу мәсәлә илә бағлы данышан мөтәбәр гајнаг иддиа едир ки, әслиндә просес битмәјиб. Садәҹә олараг әлијевләрин олигарх-мәмурлары өз нәзарәтләри алтында олан зоналары сөзүҝедән просесдән горуја билдикләриндән һеч бир реал аддымын атылмасы мүмкүн олмады. Бу да әслиндә баш прокурор Закир Гаралову һаглы чыхарды.
Хатырлајырсынызса, баш прокурор коррупсија илә мүбаризә кампанијасынын илк ҝүнләриндә «әҝәр коррупсија илә мүбаризә апарырыгса, илк нөвбәдә өзүмүздән башламалыјыг» шәклиндә ачыглама вермишди. Бу, әслиндә о демәк иди ки, баш прокурор апарылаҹаг мүбаризәнин еффективлији үчүн ириранглы мәмурларын да силкәләнмәси үчүн иҹазә истәјир.
Нәинки белә бир иҹазә верилмәди, һәтта бу ҝүн һәмин ириранглы коррупсионерләр һәтта коррупсијаја гаршы мүбаризә идарәсинин өзүнү белә јахын бурахмамаг гәдәриндә ҝүҹ саһиби кими чыхыш едирләр.
Мәлуматлы мәнбәнин сөзләринә ҝөрә, бу ҝүнләрдә назирликләрдән бири илә бағлы коррупсија фактынын арашдырылмасы просеси мәһз һәдәфә алынан назирлијин рәһбәри тәрәфиндән дурдурулуб һәмин назирлијин дә архасында режим башчылары дуруб: «Белә шәраитдә КМИ-нин һансы сәмәрәли фәалијјәтиндән данышмаг олар?»
Диггәт: Хәбәрдән истифадә етдикдә мәнбәјә истинад лазымдыр
