Әһли Бејт -АБНА- хәбәр аҝентлијинин вердији хәбәрә әсасән: Норвечин пајтахты Ослода партлајыш төрәдән вә Утоја адасында ҝәнҹләр дүшәрҝәсинә һүҹум едән Андерс Брејвикин илк мәһкәмә иҹласы кечирилиб. Ики террор акты нәтиҹәсиндә 100-ә јахын инсанын һәјатына сон гојан Брејвик иши илә бағлы мәһкәмә динләмәси 35 дәгигә давам едиб.
Брејвикин вәкили онун һәр ики һадисәни төрәтдијини етираф лакин ҹинајәт төрәтдијини инкар етдијини сөјләјиб. О, вәкилинә һадисәләрин дәһшәтли олдуғуну, анҹаг Норвеч ҹәмијјәтиндә ингилаб етмәк үчүн бунун зәрури олдуғуну билдириб. ваҹиб олдуғуну дејиб. Вәкил Липпестад кечирилән мәтбуат конфрансында билдириб ки, Брејвикин хәстә олдуғуну етираф едиб-етмәјәҹәјини сөјләмәк һәлә тездир.
“Әсрин ҹаниси” адыны алан Андерс Брејвикин 1500 сәһифәлик манифестиндә гәләмә алдығы бәзи мараглы деталлар јајымланыб. О, өз дизајны илә һазырладығы “Јени Авропа вә Јахын Шәрг” адлы хәритәсиндә мүасир “сәлиб ҹәнҝавәрләри”нин Авропада үстүнлүјү әлә кечирмәсиндән сонра нәләр едәҹәкләрини јазыб. Хәјалындакы Түркијәјә јалныз Анталија бөлҝәсини верән ҹани Истанбул дахил олмагла Гәрби Анадолуну Јунаныстана, шәрг вә ҹәнуб бөлҝәләрини Ермәнистана гатыр.
Брејвик “Јени Авропа” инша едиләркән Түркләрин Анадолуја говулмасы тәклифини ирәли сүрүр вә вурғулајыр ки, НАТО даһа да ҝүҹлү олмаг истәјирсә Русијаны тәшкилата үзв гәбул едиб, Түркијәни алјансдан узаглашдырсын. Бундан башга Албанијаны Јунаныстан, Хорватија вә Сербија арасында бөлүшдүрән “әсрин ҹаниси” бүтүн мүсәлманлары ҝәмиләрә топлајараг Анадолу әразисинә сүрҝүн етмәји дүшүнүрмүш.
Андерс Брејвик 1500 сәһифәлик ҝүндәлијиндә Јапонијаны мүасир өлкә кими тәгдим едир. Брејвик Јапонијаны өлкәјә фәргли мәдәнијјәтләрдән инсан ахыныны әнҝәлләјән, мүсәлманларын көч етмәсинә иҹазә вермәјән өлкә олараг вурғулајыр. О, Јапонијанын кечмиш баш назири Таро Асонун үнванына тәрифләр јағдырыб. Онун фикринҹә, Асо “бир милләт, тәк сивилизасија, тәк дил, тәк мәдәнијјәт вә тәк ирг” дүшүнҹәсиндә садиг галыб.
“Әсрин ҹаниси”нин өлүм сијаһысында сијасиләрдән башга танынмыш јазычы, журналист вә әдәбијјат профессорларынын да адынын олдуғу ортаја чыхыб. О, ҝүндәлијиндә јаздығына ҝөрә,
бир чох Гәрб јазычылары “хәјанәткар” мөвге тутублар. Мултикултурализм, сијаси корректлик, башга дин вә халглары тәмсил едән мигрантлара толерантлыг ҝөстәрмәк мөвгејиндә дајанырлар.
Гәтлләри төрәтмәкдән әввәл јаздығы вә “2083: Авропанын Мүстәгиллик Бәјаннамәси” адландырыдығы 1500 сәһифәлик манифестиндә Брејвик Норвечдә тәшкил едилән, јазычыларын, журналистләрин топлашдығы бејнәлхалг конфрансллары вә фестиваллары һәдәфә алмаг планларыны ачыглајыр.
О адәтән отелләрдә кечирилән журналист конфрансларында тәһлүкәсизлик тәдбирләринин ја зәиф олмасы, ја да үмумијјәтлә олмамасына диггәт чәкир. Дүнјанын һәр јериндән һәмин топланртылара ҝәлән танынмыш јазарларын “әла һәдәф” олудуғуну билдирир. “Әсрин ҹаниси” Норвечдә кечирилән әдәбијјат фестивалларына “марксист, еләҹә дә хәјанәткар буржуа јазычы елитасынын” да ҝәлдијини, һәмин фестивалларда иштирак едәнләрин 90 фаизинин мултикултурализми дәстәкләдијини, бу идејаны әсәрләри илә јајдығыны јазыр.
Брејвик һәмин журналист вә јазычылары “А вә Б категоријалы хәјанәткарлар” адландырыр. О билдирир ки, беләләри онун ҝәләҹәкдә баш верәҹәјинә инандығы ингилаб заманы едам едиләҹәк. Манифест мүәллифи сөзүҝедән јазарларын өз мәгаләләри вә әсәрләри илә Норвечдә вә үмумиликдә Авропада “мәдәни вә демографик сојгырымы”на хидмәт етдикләрини иддиа еләјир. Манифестин бир нечә сәһифәсиндә мәдәни марксизмин танынмыш нүмајәндәләри олан интеллектуаллар, о ҹүмләдән Ҹорҹ Лукас, Антонио Грамши, Вилһелм Рејх, Ерик Фром, Һерберт Маркес вә Теодор Адорнони сәрт тәнгид едир.
Диггәт: Хәбәрдән истифадә етдикдә мәнбәјә истинад лазымдыр
