Әһли Бејт -АБНА- хәбәр аҝентлијинин вердији хәбәрә әсасән: МТН-ин хүсусилә мүһүм ишләр үзрә сабиг баш мүстәнтиги, инди исә мүһаҹирәтдә јашамаға мәҹбур олан полковник-лејтенант Рамин Нағыјевин Ылһам Әлијевә јаздығы ачыг мәктубда бир сыра гаранлыг мәгамлара ајдынлыг ҝәтирилир.
Мәктубда гејд олунур ки, Афијәддин Ҹәлилову вә Шәмси Рәһимову Һаҹы Мәммәдов адлы полис забитинин һимајә етдији чечен киллерләр гәтлә јетириб. Бу да истинтагда сүбут олунуб. Сабиг МТН забитинин иддиасына ҝөрә, Һаҹы Мәммәдовун бандит дәстәси һәлә 1994-ҹү илдә фәалијјәт ҝөстәриб вә чох мүһүм дөвләти ҹинајәтләр төрәдиб.
Р.Нағыјев кифајәт гәдәр сүбутларын олмасына бахмајараг һүгуг-мүһафизә органларынын рәһбәрләри - Елдар Һәсәнов, Намиг Аббасов, Рамил Усубовун ҹинајәткарларын һәбсинә имкан вермәдикләрини дејир.
Кечмиш мүстәнтигин мәктубунда гејд едилән мәгамларын ҹиддијин нәзәрә алыб мәсәлә илә бағлы МТН-нин мөвгејини өјрәнмәјә чалышдыг. Лакин әксәр һалларда олдуғу кими буна наил ола билмәдик. Ҹинајәтин истинтагында иштирак едән шәхсин сәсләндирдији фикирләр тәкрар арашдырмаја әсас верәҹәкми?
Кечмиш полис ишчиси Салман Әлијев мүстәнтиг Рамин Нағыјевин јашадыгларынын онун да башына ҝәлдијини дејир. О, Зија Бүнјадовун гәтли илә бағлы арашдырма заманы ҹинајәтин Дахили Ышләр Назирлијинин әмәкдашларынын төрәтдијини билдириб вә нәтиҹәдә ҹидди тәзјигләрлә үзләшиб.
Р.Нағыјевин јаздыгларынын һәгигәти әкс етдирдијини гејд едән експерт Афијјәддин Ҹәлиловун гәтлә јетирилмәсинин бирбаша Һаҹы Мәммәдовун дәстәси илә бағлылығынын һүгуг-мүһафизә органларына мәлум олдуғуну да вурғулады: “Бу гәтлләр Рөвшән Ҹавадов вә онун дәстәсини мәһв етмәк үчүн һазырланмыш бир план иди. Банданын ҹинајәтләринин бир гисминин үстү ачыланда Рамил Усубов бир нечә аддым атмагла ҹаныны гуртарды. Әвәзиндә виҹданлы, ләјагәтли, пешәкар полис олан Закир Нәсирову ҝүдаза верди. Белә адамын Һаҹы Мәммәдову һимајә етмәси јаландыр. Ола билсин сәһвләрә јол вериб. Назирә инаныб, онун гејри-сәмимилијини ҝөрә билмәјиб”.
С.Әлијевин сөзләринә ҝөрә, Һаҹы Мәммәдовун ачылмамыш ҹинајәтләринин сајы кифајәт гәдәрдир. Заманла бу ҹинајәтләр ашкара чыхарылаҹаг вә онларын мотиви, ејни заманда сифаришчиләри бәлли олаҹаг.
Експертин фикринҹә, мүһаҹирәтдә олан мүстәнтиг мәсәләнин хејли әввәл иҹтимаиләшдирмәли иди: “Мәнә тәзјигләр оланда буну иҹтимаиләшдирдим вә бу јолла өзүмү тәһлүкәдән гуртардым. Рамин Нағыјев дә буну вахтында етсәјди, һазыркы вәзијјәтә дүшмәзди. Ҝөрүнүр, о, јенидән өз ишинә гајыдаҹағына үмид едир. Анҹаг әбәс јерә”.
Диггәт: Хәбәрдән истифадә етдикдә мәнбәјә истинад лазымдыр
