Әһли Бејт -АБНА- хәбәр аҝентлијинин вердији хәбәрә әсасән: Азәрбајҹан Республикасынын рәсми мәлуматына ҝөрә өлкә президенти Илһам Әлијев ҹүмә ахшамы ҝүнү бир сыра мәһбусларын азадлығы вә ҹәзаларынын јүнҝүлләшмәси барәдә әфв сәрәнҹамы имзаламышдыр.
Президентин бу әфв фәрманы 80 нәфәр мәһбуса шамил олмушдур вә “Ҝүндәлик Азәрбајҹан” гәзетинин сабиг тәсисчиси вә баш редактору Ејнулла Фәтуллајев дә бу сијаһыдадыр.
Бу фәрмана әсасән 2 нәфәрин ҹәзасы јүнҝүлләшдирилмиш вә 8 нәфәр ҹәримә өдәмәкдән азад едилмишдир. Президентин фәрманынын иҹрасы ҹүмә ҝүнүндән башламышдыр.
Азәрбајҹан Республикасы президентинин әфв фәрманында дини фәалларын вә Ислам Партијасы үзвләринин азадлығына һеч бир ишарә едилмәмишдир. Бу мөвзу исламчыларын дөвләтә гаршы наразылығынын даһа да артмасына сәбәб олмушдур.
Һал-һазырда Азәрбајҹанда мәктәбләрдә һиҹабын гадағасына гаршы чыхан онларла етиразчы, о ҹүмләдән Ислам Партијасынын сәдри һәбсдәдирләр.
Бу өлкә үзрә бәзи експертләрин нәзәринә әсасән Азәрбајҹан Республикасы президентинин әфв вә ҹәзанын јүнҝүлләшмәси барәдә сәрәнҹам имзаламасы, дүнја инсан һүгуглары мүдафиәси комитәләрининин фикрини өлкәдәки вәзијјәтдән јајындырмаг вә бунунла да ислами груплара гаршы мәһдудујјәтләри артырмаг үчүндүр.
Диггәт: Хәбәрдән истифадә етдикдә мәнбәјә истинад лазымдыр
