Әһли Бејт -АБНА- хәбәр аҝентлијинин вердији хәбәрә әсасән: Лерик рајонунда ағыр јол-нәглијјат һадисәси баш вериб. Лерик Рајон Полис Шөбәсинин (РПШ) мүстәнтиги Зејнал Аллаһвердијевин вердији мәлумата ҝөрә, һадисә өтән ҝеҹә Ләнкәран-Лерик јолунун 24-ҹү километрлијиндә баш вериб. Бу барәдә РПШ-ә јалныз мајын 29-да саат 9.00 радәләриндә мәлумат дахил олуб.
Һадисә јеринә ҝәлән һүгуг - мүһафизә органларынын әмәкдашлары “Һундаи Соната” маркалы автомашынын 25 метр һүндүрлүкдән дәрәјә ашдығынын шаһиди олублар. Јарарсыз вәзијјәтә дүшмүш машын автокран васитәсилә дәрәдән чыхарылыб.
Автомобилин сүрүҹүсү вә сәрнишинләринин талеји барәдә исә мәлумат верилмир.
Фактла бағлы Лерик РПШ-дә арашдырмалара башланыб.
Диггәт: Хәбәрдән истифадә етдикдә мәнбәјә истинад лазымдыр
