Әһли Бејт -АБНА- хәбәр аҝентлијинин вердији хәбәрә әсасән: Сон заманлар Сионистләрин Әлијевләр режиминин гурулмасындакы сәјләр һаггда сөз сөһбәтләр дилләр әзбәринә чеврилмишдир. Бу барәдә1990-ҹы илләрин әввәләриндә Британија парламентинин мүһафизәкарлардан олан үзвү вә МЫ6 кәшфијјат тәшкилатында чалышмыш Һаролд Еллетсон данышыб.
- Әлијевин һакимијјәтә ҝәлмәси о демәк иди ки, анлашма мүмкүндүр. Бу бахымдан да тарих ҝөстәрди ки, онун һакимијјәтә ҝәлмәси БП-нин марағында иди. Амма билмирәм, БП бу ишдә һансыса шәкилдә иштитак едибми.
О, һәмин фикирләрини мартын 27-дә Британијанын “4-ҹү канал” телевизијасында јајылан арашдырмада сәсләндириб. Верилиш БП ширкәтинин Азәрбајҹанда, Ливијада вә Мексика көрфәсинздә апардығы гапалы әмәлијјатлара һәср олунмушду.
Апарыҹы, мәшһур арашдырмачы журналист Ҝреҝ Паласт 1992-1994-ҹү илләрдә БП-нин Азәрбајҹандакы нүмајәндәсинин мүавини олмуш Леслеј Абраһамсдан да мараглы ачыгламалар алыб.
Абраһамс иддиа едиб ки, БП-нин Азәрбајҹанын нефт лајиһәләриндә иштиракыны мүмкүн едән сәбәбләрдән бири дә ширкәтин Бакыда рәсмиләрә вердији милјонларла доллар рүшвәтдир. Онун журналистлә сөһбәтинин бәзи һисссәләрини тәгдим едирик:
- Үмумиликдә нә гәдәр рүшвәт верибсиниз?
- Мәнҹә, 2-3 милјон фунт оларды.
- Пулу онлара неҹә чатдырырдыныз?
- Зәрфә гојуб веридим.
- Мараглыдыр, кимәсә минләрлә доллар пул олан зәрфи неҹә верирдиниз?
- Ҝөрүшәндә садәҹә олараг ҹибләринә гојурдум.
- Зәрфләрдә нә гәдәр пул олурду?
- Бәзән 10 мин, бәзән 15 мин, бәзән дә 25 мин доллар олурду.
- Бунлары БП билирдими?
- Бәли, чүнки бу пулларын һамысы һесаба алынырды. Амма онларын һамысы "гәбзсиз хәрҹләр" кими гејдә алынырды, әлавә изаһлар верилмирди.
Абраһамсын Бакыда рәсмиләрин ҹибинә пул басдығыны иддиа етдији илләрдә Азәрбајҹан Гарабағ мүһарибәсинин ән ганлы ҝүнләрини јашајырды. БП-нин кечмиш тәмсилчисинин бу мөвзуда да дејәҹәкләри вар. Онун билдијинә ҝөрә мүһарибәнин гызғын вахтында ону Британија кәшфијјатынын – МЫ6-нын Москвадакы нүмајәндәси Жоһн Сҹарлетт ҝөрүшә чағырыб. Абраһамс иддиа едир ки, Сҹарлетт она Бакыда МЫ6 үчүн ҹасулуғу тәклиф едиб:
- Мәнә орду һиссәләринин һәрәкәти һаггында мәлуматлар, шәкилләр топламаг тапшырылмышды. Һәмчинин һөкумәтдәки әлагәләр барәдә онлара мәлумат вермәли идим.
- БП-дәки ишинизлә јанашы, Азәрбајҹан ордусунда һәрби һисссәләрин һәрәкәтләри, ракетләр, дөвләт рәсмиләри һаггында мәлуматлар вермәли идиниз?
- Бәли.
- Ејни заманда да рәсмиләрә өдәнишләр едирдиниз?
- Бәли, пуллар давамлы шәкилдә өдәнирди.
- Бу пуллар һәм дә Сизә мәлуматлар алмаға көмәк едирди?
- Бәли, мән јүксәк сәвијјәли мүшавирләрлә, дөвләт адамлары илә ҝөрүшүрдүм. Онлардан алдығым информасијалары да Сҹарлеттә чатдырыдым. Һәмин мәлуматларын бир сурәтини дә БП-нин јухары рәһбәрлијиндә олан адамлара ҝөндәрирдим.
Амма һәләлик БП-нин кечмиш рәсмисинин бу иддиаларыны орада ады һалланан тәрәфләрин һамысы инкар едир. 1992-1993-ҹү илләрдә Азәрбајҹанда Дөвләт Катиби вә Баш назир кими јүксәк вәзифәләрдә чалышмыш Пәнаһ Һүсејн о заманкы команда үзвләринә БП рәсмисинин пул вермәси барәдә дејиләнләри абсурд адландырыр.
Кечмиш Баш назир онун да тәмсил олундуғу һакимијјәтин јыхылараг Һејдәр Әлијевин һакимијјәтә ҝәтирилмәсиндә БП-нин иштиракыны да ағлабатан һесаб етмир. О дејир ки, әксинә БП елә Елчибәјин һөкумәти илә нефт мүгавиләләри имзаламаға һазырлашаркән Русија јөнүмлү гүввәләр һакимијјәти дәјишиб мүгавиләләрин имзаланмасыны јубатдылар:
- 1993-ҹү ил ијулун 1-дә Лондонда Азәрбајҹанын нефт јатагларынын ишләнмәсинә даир мүгавиләнин имзаланмасы ҝөзләнирди. Гијам едән Сурәт Һүсејновун һөкумәт гаршысында ирәли сүрдүјү тәләбләрдән ән әсасы да һәмин мүгавиләнин имзаланмамасы иди. Чеврилиш баш вериб, Һејдәр Әлијев дә һакимијјәтә ҝәләндән сонра нефт данышыглары ләғв едилди. Бу истигамәтдә мүзакирәләр нојабра гәдәр үмумијјәтлә апарылмады.
Јәни, фактики олараг, БП дә дахил олмагла Гәрб ширкәтләринин үмумијјәтлә бу мүгавиләләрдән кәнарлашдырылмасы мәсәләси мејдана ҝәлди. Бу бахымдан, БП вә диҝәр Гәрб ширкәтләринин һәлә ијул ајында мүгавилә имзалајаҹағы бир һөкумәтин јыхылмасында мараглы олмасы о гәдәр дә инандырыҹы дејил.
Бу чеврилишдән сонра үмумијјәтлә Азәрбајҹанын хариҹи сијасәт истигамәти Гәрбдән Русијаја тәрәф јөнләндирилә, нефт мүгавиләләри исә һеч бағланмаја биләрди. Јәни, бу дөвләтләрин, хариҹи ширкәтләрин, о ҹүмләдән дә БП-нин Азәрбајҹанла бағлы белә јүксәк рискә ҝетмәләри ағлабатан дејил.
Леслеј Абраһамс 2007-ҹи илдә дә “Даилј Маил” гәзетинә билдимишди ки, нефт мүгавиләләринин имзаланмасы үчүн Азәрбајҹанда рәсмиләрә рүшвәт вериб, онлар үчүн секс мәҹлисләри тәшкил едиб. О заман БП ширкәти онун дедикләринин чох аз һисссәинин һәгигәт олдуғуну билдириб, әксәр иддиаларыны фантазија мәһсулу адландырмышды.
МЫ6 исә билдмишди ки, Британија кәшфијјаты илә бағлы киминсә дедикләринә һеч бир шәрһ верә билмәзләр.
Һаким Јени Азәрбајҹан Партијасынын иҹра катиби Әли Әһмәдов исә билдмишди ки, “һәтта бу ҹүр чиркин һадисәләр баш верибсә дә о, биздән әввәл Халг Ҹәбһәсинин һакимијјәти заманында олуб”.
Диггәт: Хәбәрдән истифадә етдикдә мәнбәјә истинад лазымдыр
