Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанын "Еуровисион-2011" маһны мүсабигәсиндә гәләбәсинин нәтиҹәси олараг, ҝәлән ил мүсабигә Азәрбајҹанда кечириләҹәк. Артыг "Еуровисион" мүсабигәсинин иҹрачы директору Жон Ола Санд Азәрбајҹана ев саһиблијини һәвалә едиб вә ев саһиблијини тәсдигләјән сәнәди өлкәмизин "Еуровисион" мүсабигәси үзрә нүмајәндә һејәтинин рәһбәри Адил Кәримлијә тәгдим едиб.
"Еуровисион-2011" мүсабигәси Авропа сәвијјәсиндә кечириләҹәк бир мүсабигәдир вә арзу едән Авропа өлкәләри бу мүсабигәдә иштирак едирләр. Мәлум мәсәләдир ки, тарих боју Азәрбајҹан халгына дүшмән мүнаибәт бәсләјән, минләрлә азәрбајҹанлыны гәтлиам едән вә 20% торпағыны ишғал алтында сахлајан ишғалчы Ермәнистанын да нүмајәндәләри бу тәдбирдә иштирак едәҹәкләр. Амма һәлә ки, дөвләт рәсмиләри Ермәнистанын кечирәләҹәк тәдбирдә иштиракларынын тәмин олунмасы һагда һеч бир мәлумат вермәјибләр. Даим Ермәнистан нүмајәндәләринин Азәрбајҹана сәфәрләри заманы етираз аксијалары кечирән Гарабағ Азадлыг Тәшкилатынын бу мәсәләјә мүнасибәтинин неҹә олаҹағыны билмәк үчүн ГАТ сәдри Акиф Нағы илә әлагә сахладыг. Мәсәлә илә бағлы ФактХебер.ҹом-а ачыглама верән Акиф бәј билдирди ки, һеч бир һалда Ермәнистан нүмајәндә һејәтинин бу тәдбирә гатылмасындан сөһбәт белә ҝедә билмәз: “Биз онларын Бакыја ҝәлмәсилә разылаша билмәрик вә разылашмајаҹағыг. Артыг индидән дә өз мөвгејимизи билдиририк ки, Азәрбајҹан һакимијјәти бу мәсәлә илә бағлы дүшүнсүн вә бејнәлхаг тәшкилатларла данышыглар апарсын. Һеч бир һалда белә бир шеј мүмкүн дејил вә ермәниләр Бакыја ҝәлмәмәлидирләр. Ермәниләр ишғалчы бир өлкә олдуғундан, онларын белә бир тәдбирдә, хүсусилә Бакыда кечириләҹәк тәдбирдә иштирак етмәк һагглары јохдур. Әҝәр јадыныздадырса, бундан әввәлки илләрдә Москвада кечирилән “Еуровисион” јарышында Ҝүрҹүстанын иштиракы тәмин олунмады. Ҝүрҹүстанын иштиракынын тәмин олунмамасына сәбәб исә Русија илә араларында олан мүнагишә олмушду. Һәмин әрәфәдә Ҝүрҹүстан рәсмиләри бејнәлхалг тәшкилатларла данышараг, белә бир разылыг әлдә етмишдиләр. Азәрбајҹан тәрәфи дә ҝәлән ил кечириләҹәк “Еуровисион” мүсабигәсиндә ејни ҹүр аддым атмалыдыр. Буна ҝөрә дә, ермәниләрин Бакыја ҝәлмәси бир мәналы олараг гәбул олунмаздыр. Азәрбајҹан тәрәфи ермәниләри Бакыја дәвәт етмәклә, ҝуја өзүнү толерант өлкә кими ҝөстәрмәмәлидир. Артыг дүнја да буну баша дүшмәлидир. Әҝәр ермәниләрин тәшкил олунаҹаг мүсабигәдә иштиракы тәмин олунса, Гарабағ Азадлыг Тәшкилаты елә аддымлар атаҹаг ки, мүсабигәни тәшкил едәнләрин өзләри пешман олаҹаглар. Неҹә ки, бундан әввәл ермәни нүмајәндәләринин НАТО ҝенераллары илә бирликдә Бакыја ҝәлмәсинин гаршысыны алмаг үчүн Гарабағ Азадлыг Тәшкилаты аксија кечирәрәк ермәниләрин Бакыја ҝәлмәсинин гаршысыны алмаға мүјәссәр олду. Бу дәфә белә бир шеј олса, әввәлкиләрдән дә даһа сәрт етиразымызы билдирәҹәјик.”
Мәлумат үчүн билдирәк ки, Азәрбајҹанын 20 фаиз торпағы ишғал алтында олмасына, милјонларла вәтәндашы өз торпағындан дидәрҝин дүшмәсинә бахмајараг, өлкәмиз “Еуровисион” мүсабигәсинә ев саһиблији едәҹәк. Мараглыдыр ки, бу јарышмаја ајрылаҹаг милјонларла манатлар әһалинин рифаһынын јахшылашдырылмасы, јени иш јерләринин ачылмасы вә өлкәдә бәрбад вәзијјәт олан тәһсил оҹаглары, хәстәханалар вә диҝәр јерләрин тәмир олунмасын ајрылмыр. Азәрбајҹанда "Еуровисион” севинҹи о һалда баш верир ки, шәһид аиләләри, Гарабағ мүһарибәсинин ветеранлары аҹынаҹаглы, чәтин вә касыб шәриатдә јашајыр.
Диггәт: Хәбәрдән истифадә етдикдә мәнбәјә истинад лазымдыр
