Әһли Бејт -АБНА- хәбәр аҝентлијинин вердији хәбәрә әсасән: Мүвәггәти Мүдафиә Комитәсиндән јахын саатларда 1 милјона јахын киши вә гадынын силаһландырылаҹағы билдирилиб.
Силаһландырылмыш вәтәндашлар халг ордусуна, халг гвардијасына вә ингилаб гвардијасына гәбул едиләҹәкләр.
Бу арада Ливија дөвләт телевизијасы коалисија гүввәләринин һүҹуму нәтиҹәсиндә өләнләрин сајынын 65-ә јүксәлдији барәдә мәлумат јајыб. Инсанлар алдыглары јаралардан өлүрләр. Өләнләрин әксәријјәти гоҹалар, гадынлар вә ушаглардыр.
Гејд едәк ки, Ливијаја гаршы һәрби әмәлијјатлара мартын 19-да бир нечә өлкә - о ҹүмләдән Франса, АБШ, Италија, Канада вә Бөјүк Британија тәрәфиндән башланылыб. Јахын вахтларда Испанија да онлара гошулаҹаг. Билдирилир ки, Франса Һәрби Һава Гүввәләри Кәддафи гүввәләринин бир нечә зиреһли техникасыны мәһв едиб, АБШ вә Британија исә Ливија Һава Һүҹумундан Мүдафиә Гүввәләринин 20-дәк мөвгејинә “Томогавк” ракетләри илә зәрбәләр ендириб. Коалисијанын Һәрби Һава Гүввәләри Ливијанын Һава Һүҹумундан Мүдафиә објектләринә үмумиликдә 110 ганадлы ракет атыб.
Ливијанын рәсми КИВ-и коалисија гүввәләринин ири шәһәрләрдә, о ҹүмләдән Триполи, Бенгази, Зуваредә мүлки објектләрә вә Мисрати рајонундакы нефт анбарларына зәрбәләр ендириб. Мисратидәки нефт анбарларында јанғын башлајыб.
Диггәт: Хәбәрдән истифадә етдикдә мәнбәјә истинад лазымдыр
