Әһли Бејт -АБНА- хәбәр аҝентлијинин вердији хәбәрә әсасән: Бәһрејнли Әһли-бејт (ә) јолу давамчылары дүнја мүсәлманларынын дини рәһбәри Ајәтуллаһул-үзма Сејид Әли Хаменеји ҹәнабларына мәктуб үнванлајыблар. Мәктубда билдирилир:
"Салам олсун, бу чәтин вә гаранлыг долу бир заманда мүсәлманларын вә Ислам дүнјасынын мәсулијјәтини өз үзәриндә дашыјан рәһбәрә. Биз бир груп Бәһрејн мүсәлманларыјыг. Вә сизин мүгәллидинизик. Биз инди чох чәтин бир дурумдајыг. Вәзијјәт о јерә чатыб ки, бизим гардаш вә баҹыларымызы Али-Хәлифә сүлаләсинин тәрәфдарлары ҝөзүмүзүн гаршысында гәтлә јетирирләр. Фәрјадымыз бир јерә чатмыр. Аллаһ јолунда чыхыш етмишик, амма бизи өлдүрүрләр. Сиздән хаһиш едирик ки, Аллаһ јанында бизим үчүн дуа един. Зира, Сизин дуаларынызын гәбул олунмасына бизим јәгинимиз вар. Бизә Сиздән башга ким көмәк едә биләр?! Биз Сизин мүгәлллидләринизик, өвладларынызыг, бизә өз мәсләһәтинизлә көмәк един. Сизин Мисир ингилабы заманында әрәбҹә сөјләдијиниз о мөһтәшәм нитгиниз мисирли гардашларымыза шөвг верди, онлары гәләбәјә руһландырды, Мисир ингилабынын галибијјәт сәбәби олду. Биз дә әзијјәт вә изтираб ичиндәјик вә шәһадәт үчүн әлимиздә мүгавимәтдән башга бир шеј јохдур. Аллаһдан јардым вә гәләбә ҝөзләјирик".
Диггәт: Хәбәрдән истифадә етдикдә мәнбәјә истинад лазымдыр
