Әһли Бејт -АБНА- хәбәр аҝентлијинин вердији хәбәрә әсасән: ҹүмә ҝүнү Тәбриздә Азәрбајҹан Республикасы һөкумәтинин Исламофобија сијасәтинә етираз олараг аксија кечирилиб. Аксија ҹүмә намазындан сонра кечирилиб. Аксијачылар Азәрбајҹан ислам Партијасы сәдринин һәбсдән азад олунмасыны вә орта мәктәбләрдә һиҹаба гојулан гадағанын ләғв олунмасы илә бағлы шүарлар сәсләндирибләр.
Аксијанын сонунда бәјанат охунуб. Бәјанатда дејилир:
Гејрәтли Тәбриз әһалисинин Азәрбајҹан Республикасы мүсәлманларына дәстәк вә Бакынын анти-дин сијасәтләринә етираз аксијасынын бәјанаты
و نرید ان نمن على الذین استضعفوا فى الارض و نجعلهم ائمة ونجعلهم الوارثین
"Биз истәјирик ки, јердә зәиф дүшүб әзиләнләрә мәрһәмәт ҝөстәрәк, онлары өндә ҝедәнләр вә варисләр едәк"
Мүсәлманларын ислами ојанышынын Ислам Дүнјасынын бөјүк бир һиссәсини бүрүдүјү, әҹнәбиләр гаршысында итаәткар, халг гаршысында исә зоракы вә залым башчыларын бир-биринин ардынҹа илаһи ганунлар гаршысындакы инадкарлыгларынын нәтиҹәси илә үзләшдикләри бир шәраитдә һамынын мүсәлман вә дүнјанын 2-ҹи шиә өлкәси олараг таныдығы Азәрбајҹан Республикасында һаким гурулушун Ислам дининин әсас принсипләри илә тәзадда олан сијасәтләрини давам етдирмәси сон дәрәҹә тәәҹҹүбләндириҹи вә ејни заманда тәәссүфләндириҹидир. Артыг бир мүддәтдир ки, Иран Ислам Республикасынын гоншулуғунда јерләшән Азәрбајҹан Республикасында сионист режим ат ојнадыр вә Бакы сионистләрин тәсири алтына дүшәрәк, Ислам дини илә тәзадда олан бир сијасәт јүрүтмәкдәдир. Әлбәттә, Бакынын бу сијасәтә дәјишиклик етмәјәҹәји тәгдирдә Тунис, Мисир вә Ливијаја һаким режимләрин талеји илә охшар талејә малик олаҹаг.
Биз Тәбриз халгы өз инсани вә дини вәзифәләримиз чәрчивәсиндә Иран вә Азәрбајҹан халглары арасындакы тарихи, мәдәни вә дини ортаглыглара сөјкәнәрәк, Азәрбајҹан Республикасынын мүстәгиллији вә әрази бүтөвлүјүнә тәкид едир вә ејни заманда Бакынын анти-дин сијасәтини кәскин формада писләјирик. Елә бу истигамәтдә ашағыда гејд олунан мәсәләләри өнә чәкирик:
1. Мәсҹидләрин бағланылмасы вә ја сөкүлмәси, дахили телеканалларда азан вә дини програмларын јајымына иҹазәнин верилмәмәси, телевизија васитәси илә чиркин Гәрб мәдәнијјәтинин тәблиғ едилмәси, мәсҹид минарәләриндән азанын верилмәсинә гадағанын тәтбиг едилмәси, мәтбуат органларында анти-дин һәрәкәтләрин артмасы о ҹүмләдән Уникал гәзетиндә "Шејтан Ајәләри" китабынын дәрҹ олунмасы вә Бакыда чыхан Алма гәзетинин Ислам пејғәмбәринә һөрмәтсизлик етмәси, дин хадимләри вә руһаниләрин сечкиләрдә иштиракына иҹазәнин верилмәмәси, һиҹаблы гызлар вә гадынлар үчүн мәһдудијјәтләрин јарадылмасы о ҹүмләдән онлара шәхсијјәт вәсигәсинин верилмәмәси, дөвләт идарәләриндә ислами символлардан истифадәнин гадаған едилмәси, шиә китабларынын хүсусилә дә тәглид мәрҹәләринин әһкам китабларынын сатышына гадағанын тәтбиг едилмәси, тәһлүкәсизлик гүввәләринин өтән ил Һүсејн Ашурасында Нахчыван Мухтар Республикасында 4 мин нәфәр сакини олан Бәнәнјар кәндинә гаршы вәһшиҹәсинә һүҹумлары, Ислам пејғәмбәринин вәфатынын илдөнүмү ҝүнүндә Бакынын Фүзули мејданында диндар ҝәнҹләрин дөјүлмәси, һәбс едилмәси вә орта мәктәбләрдә һиҹабдан истифадәнин гадаған едилмәси, һиҹаб гадағасына етираз едәнләрин вә исламчы фәалларын ҝениш формада һәбс едилмәси рәсми Бакынын анти-Ислам сијасәтинин ашкар нүмунәләриндән сајылыр ки, Азәрбајҹан Республикасы мүсәлманлары илә јанашы дүнја мүсәлманлары, хүсусилә дә Иран Ислам Республикасы халгынын нараһатлығына сәбәб олуб. Буна ҝөрә дә рәсми Бакынын тез бир заманда өз сијасәтләринә дүзәлиш етмәси ҝөзләнилир.
2. Азәрбајҹан Республикасынын мүсәлман халгынын 4 илдән артыгдыр ки, тәһсил мәркәзләриндә һиҹаб гадағасы лајиһәси илә бағлы лаик даирәләрин гаршысында мүгавимәт ҝөстәрмәси, халгын мәсҹидләрдән азанын верилмәси гадағасы гаршысында дајанмасы, ҝениш мәһдудијјәтләрә бахмајараг һиҹабдан истифадә һалларынын артмасы, ҝәнҹләрин мәсҹидләрдәки иштиракынын чохалмасы, Азәрбајҹан Республикасы халгынын мүгәддәс мәканлара олан зијарәт сәфәрләринин артмасы, ислами мүнасибәтләрин хүсусилә Мәһәррәм вә Рамазан ајларында даһа ҝениш формада гејд олунмасы, мәһдудијјәтләрин тәтбиг едилмәсинә бахмајараг һәр ил Үмумдүнја Гүдс Ҝүнү мәрасимләринин тәшкил олунмасы, Исраил режиминин Фәләстин халгына гаршы ҹинајәтләрини писләмәк үчүн етираз аксијаларынын кечирилмәси, халгын мәсҹидләрин бағланмасы вә сөкүлмәси о ҹүмләдән Ханым Фатимә(с) мәсҹидинин дағыдылмасы гаршысындакы мүгавимәти вә Тәһсил Назирлијинин орта мәктәбләрдә һиҹабдан истифадәнин гадаған едилмәси үзрә бәјанатына етиразы олараг өлкәнин мүхтәлиф шәһәрләриндә онларла етираз аксијасынын тәшкил едилмәси Азәрбајҹан Республикасынын мүсәлман халгынын Ислам дининә олан бағлылығынын нишанәләри сајылыр ки, рәсми Бакы ислам принсипләри вә дәјәрләри гаршысында диггәтли олмасыны зәрури бир мәсәләјә чевирир. Амма, тәәссүфләр олсун ки, бу мүһүм мәсәлә сионистләрин нүфузу сајәсиндә Бакы рәсмиләринин диггәтсизлији илә үзләшиб. Буна ҝөрә дә јахшы олар ки, Азәрбајҹан Республикасы һөкумәти Ислам Конфрансы Тәшкилатына үзв өлкә олараг өз талејини сионист режимин гаранлыг талејинә бағламасын вә Ислам дүнјасына гошулсун.
3. Азәрбајҹан Республикасында орта мәктәбләрдә һиҹабдан истифадәнин гадаған едилмәси артыг 3 ајдыр
