Әһли Бејт -АБНА- хәбәр аҝентлијинин вердији хәбәрә әсасән: Бакы Апеллјасија Мәһкәмәсиндә һаким Абид Абдинбәјовун сәдрлији илә Азәрбајҹан Ислам Партијасынын сәдри Мөвсүм Сәмәдовун апеллјасија шикајәтинә бахылыб. Аппелјасија мәһкәмәсиндә һаким Абид Абдинбәјовун сәдрлији илә кечән просесдә, Мөвсүм Сәмәдов вәкилинин галдырдығы вәсадәт тәмин олунмајыб. Мәһкәмәдә чыхыш едән Анар Гасимов һүгугларыны мүдафиә етдији шәхсин һеч бир инзибати хәта төрәтмәдән 13 ҝүнлүк азадлыгдан мәһрум едилмәсини гејри -гануни олдуғуну билдирди. Мөвсүм Сәмәдовун һәбс олунан заман онун һеч бир вәкил илә тәмин олунмадығыны билдирән Анар Гасымов, һакимдән Мөвсүм Сәмәдовун вә онунла бирҝә һәбс олунанларын мүгавимәт ҝөстәрдији полис әмәкдашларынын мәһкәмә просесиндә иштирак етмәләрини тәләб етди. Лакин һаким тәрфиндән вәкилин бу вәсатәти гәбул олунмады.
Онуда гејд едәк ки, Вәкил Анар Гасымов, Мөвсүм Сәмәдовун мәһкәмә залында иштирак етмәси һаггында һаким гаршысында вәсатәт галдырды. Бу вәсатәт дә мәһкәмә тәрәфиндән гәбул олунмады. Бундан әлавә Анар Гасымов, Мөвсүм Сәмәдовун 3 јенијетмә јашына чатмамыш өвладынын олдуғуну вә бу өвладлардан биринин һәлә азјашлы олдуғуну мәһкәмәјә тәгдим едәрәк, һүгугларыны мүдафиә етдији шәхс һаггында бу ҹүр формада инзибаты һәбс ҹәзасынын кәсилмәсини там әсассыз олдуғуну билдирди.
Вәкил тәрәфиндән Мөвсүм Сәмәдов барәдә галдырылмыш инзибати һәбс ҹәзасынын там әсассыз вә гејри гануни олмасы сүбут олунмасына бахмајараг, Мөвсүм Сәмәдовун аппелјасија шикајәти, мәһкәмә тәрәфиндән тәмин олунмады. Мәһкәмәдән сонра Азәрбајҹан Ислам партијасынын сәдри Мөвсүм Сәмәдовун вәкили Анар Гасымов, журналистләрин суалларыны ҹавабландырыб.
Диггәт: Хәбәрдән истифадә етдикдә мәнбәјә истинад лазымдыр
