Әһли Бејт -АБНА- хәбәр аҝентлијинин вердији хәбәрә әсасән: Азәрбајҹанда сон бир нечә ҝүндә ики партија сәдринин вә илһаијјатчы алимләр дә дахил олмагла 50-а јахын инанҹлы шәхсин һәбс олунмасы өлкәдә резонанс јарадыб.
Мәсәлә илә бағллы Гарабағ Азадлыг Тәшкилатынын сәдри Акиф Нағыја мүраҹиәт етдикдә, о да истәнилән һалда күтләви һәбсләрә гаршы олдуғуну сөјләди. Акиф Нағы вердији мүнасибәтдә, Мөвсүм Сәмәдовун һәбс олунмасы вә она гаршы террора, асајишин позулмасына һазырлыг иттиһамларынын ирәли сүрүлмәсини ҝүлүнҹлә гаршыладығыны билдирди. “Һәгигәтән дә инанҹлы инсанлара гаршы атылан бу аддымлар анлашылан дејил. Мән билирәм ки, АИП сәдри Мөвсүм Сәмәдов башда олмагла, сахланыланларын әксәријјәти сүни ујдурма иттиһамларла һәбс олунуб вә гаршы тәрәфдән дә мәсәлә илә бағлы ајдын мөвге ортаја гојулмајыб. Мөвсүм Сәмәдовун Губада өз гоһумларына һансыса тапшырыглар вермәси вә ја онун евиндән автомат силаһларын патронларынын тапылмасы ҝүлүнҹдүр. Әслиндә бу аддым мүәјјән сијаси гурумлара диван тутмаға һесабланыб. Бир мүддәт әввәл һиҹаб мәсәләси ортаја атылды вә бу мәсәлә әтрафында кифајәт гәдәр гаршыдурма јаранды. Мөвҹуд һакимијјәт бу ҹүр проблемләри јаратмагла, өлкәдәки чәкиси олан шәхсләри арадан галдырмаг истәјир"-дејә ГАТ сәдри сөјләјиб.
Гарабағ Азадлыг Тәшкилатынын сәдри Акиф Нағы әлавә олараг гејд едиб: "Һакимијјәтин аттыдғы бу аддымлар онларын өзләринин бәјан етдији демократик вә һагг-әдаләт принсипләринә гәтијјән ујғун ҝәлмир. Өлкәдә диндарларын мүхтәлиф бәһанәләрлә һәбс олунмасы, һакимијјәтин јалныш јолда олдуғуну ҝөстәрир. Бу аддмлар дөвләтчилик принсипләрини дә ал-үст едир. Кимләрисә һәбс етмәклә, нәјәсә наил олмаг мүмкүн олмајаҹаг. Бириләри һәбс олунаҹаг, онларын јеринә башгалары ҝәләҹәк. Һакимијјәт нәһајәт бу сијасәтиндән әл чәкмәлидир”.
Диггәт: Хәбәрдән истифадә етдикдә мәнбәјә истинад лазымдыр.
