Әһли Бејт -АБНА- хәбәр аҝентлијинин вердији хәбәрә әсасән: Ирәван- Азәрбајҹан ишғал олунмуш әразиләриндә дислокасија олунмуш Ермәнистан Силаһлы Гүввәләринин һәрби һиссәләриндән бириндә чохсајлы өлүмлә нәтиҹәләнән инсидентә ҝөрә бир ермәни һәрбчиси һәбс олунуб.
Һәбс олунан шәхсин һәмин һәрби һиссәдә хидмәт кечән әсҝәр олдуғу билдирилир.
Хатырладаг ки, нојабрын 19-дан 20-нә кечән ҝеҹә Азәрбајҹанын ишғал олунмуш әразиләрини өз нәзарәтиндә сахлајан Ермәнистан Силаһлы Гүввәләринин гошунларын тәмас хәттинә јахын һәрби һиссәләринин бириндә өлүмлә нәтиҹәләнән инсидент баш вериб.
“АРМТОДАЈ”јын јајдығы мәлуматда, сепаратчы режимин рәсми даирәләри һадисә заманы өлән вә јаралананларын олдуғу, ҹинајәт иши башландығы вә фактла бағлы арашдырма апарылдығы барәдә хәбәр јајмагла кифајәтләниб. “ДГР Мүдафиә Назирлијинин мәтбуат катиби” Сенор Асратјан “АРМТОДАЈ”ә өлән вә јаралананларын сајы илә бағлы мәлумат вермәкдән имтина едиб. О өлүмлә нәтиҹәләнән инсидентин һәрби һиссә дахилиндә, јохса ҹәбһә хәттиндә баш вермәси илә бағлы суалы да ҹавабландырмагдан јајыныб: “Һазырда һадисәнин тәфәррүатлары арашдырылыр, бундан башга һеч нә дејә билмәрәм”.
Лакин АПА-нын өзәл мәнбәләрдән әлдә етдији мәлумата ҝөрә исә гошунларын тәмас хәттинә јахын әразидә јерләшән һәрби һиссәдә ермәни һәрбчиләри арасында атышма баш вериб. Атышма нәтиҹәсиндә 20-дән артыг ермәни һәрбчиси өлүб, 30-дан артыг шәхс јараланыб. Јаралыларын әксәријјәтинин вәзијјәти ағырдыр, мәнбә гејд олунан рәгәмләрин сајынын арта биләҹәјини истисна етмәјиб. Ермәнистан тәрәфи исә инсидент заманы 4 әсҝәрин өлдүјүнү, дөрд һәрбчинин исә јараландығыны билдирир.
Диггәт: Хәбәрдән истифадә етдикдә мәнбәјә истинад лазымдыр
