Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Ҹеневрәдәки Даими Нүмајәндәсинин мүавини бу ҝүн Бирләшмиш Милләтләр Тәшкилатынын Силаһсызланма Конфрансында АБШ вә Исраил режиминин өлкәмизин суверенлијинә, әрази бүтөвлүјүнә вә халгына гаршы һәрби тәҹавүзүнү гәтијјәтлә писләди вә Иранын тәҹавүзүн тамамилә дајандырылаҹағына гәдәр өзүнү гануни шәкилдә мүдафиә етмәјә давам едәҹәјини вурғулады.
Рза Деһгани бу ҝөрүшдә билдириб: “Иранын гоншуларына гаршы һеч бир дүшмәнчилији јохдур, лакин әразиләриндән Ирана һүҹум етмәк үчүн истифадәјә иҹазә верән өлкәләр бу һәрәкәтин нәтиҹәләринә ҝөрә мәсулијјәт дашымалыдырлар.”
О, бу һәрби тәҹавүзүн артыг ијирми бешинҹи ҝүнүнә гәдәм гојдуғуну хатырладараг, Иранда мүлки шәхсләрә вә мүлки һәдәфләрә һүҹумларын давам етдијини вә һәр ҝүн АБШ вә Исраил режимләринин кор һүҹумлары нәтиҹәсиндә чох сајда ҝүнаһсыз гадын вә ушағын һәјатыны итирдијини билдириб.
Sizin rəyiniz