Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Иран Ислам Республикасынын Мүгәддәс Гум шәһәриндә фәалијјәт ҝөстәрән Азәрбајҹан Республикасынын вәтәндашларындан ибарәт мүхтәлиф елми вә мәдәни иҹмалар ајры-ајрылыгда бәјанат јајараг Ислам Үммәтинин үчүнҹү Хәләфи Салеһи, Имам Сејјид Мүҹтәба Хаменеи һәзрәтләринә Бејәт етдикләрини вә Дәстәк вердикләрини билдирибләр.
Бу тәшкилатлардан олан “Муһәммәдин (с) Маарифи Ишығында” тәшкилаты вә “Ләнкәран Гуран вә Әһли-бејт (ә) Елм вә Тәзкијә Оҹағы”нын үзвләри вә һәмкарларынын вердикләри бәјанаты сајтымызын изләјиҹиләринә тәгдим едирик:
Бисмилләһир Раһмәнир Раһим
Имам Сејјид Мүҹтәба Хаменеи һәзрәтләринә Бејәт вә Дәстәк бәјанаты
Вә о кәсләр ки, дејирләр: Пәрвәрдиҝара! Һәјат јолдашларымызы вә өвладларымызы бизим үчүн ҝөзајдынлығы гәрар вер вә бизи тәгвалылара Имам тә'јин ет.
(Сурә Фурган, Ајә 74)
Имамлыг мәгамы Исламда Илаһи бир мәгамдыр вә өмрүнү исмәтлә кечирәнләрдән башга кимәсә бу мәгам Аллаһ Сүбһанәһу Тәала тәрәфиндән һәвалә олунмур...
Һәзрәти Ибраһим Пејғәмбәр (әлејһи әфзәлу сәлату вә сәлам) узун вә ағыр имтаһанлардан үзү ағ кечдикдән сонра аһылы јашында Аллаһ Тәала тәрәфиндән бу уҹа мәгама тәјин олунду. О, нәслиндән ҝәләҹәк шәхсләрә дә бу мәгамын верилмәсини Аллаһ Сүбһанәһу Тәаладан истәдикдә Һәзрәт Һагг Тәала бујуруд ки, “Мәним Әһдим (имамлыг мәгамы) залым шәхсләрлә чата билмәз!” (Бәгәрә сурәси, Ајә 124). Јәни бу мәгам исмәт мәгамыдыр, бу мәгам һәр бир ејбдән вә нөгсандан мүнәззәһ олан Аллаһын һакимијјәт мәгамыдыр ки, Аллаһ Тәала бу мәгамы бәндәләри ичәрисиндә өзүнү пак вә сафлашдырмыш шәхсләрә әта едир вә онлары бу мәгама тәјин едир ки, јер үзәриндә Онун хәлифәләри вә ҹанишинләри олараг Илаһи Һакимијјәти идарә етсинләр...
Пејғәмбәрләр вә Мәсум Имамлар јашадыглары заманларда узаг мәнтәгәләрдә јашајан күтлә үчүн диндә алим олан, баҹарыглы вә лајигли шәхсијјәтләри о мәнтәгәјә башчы олараг тәјин едирдиләр...
Бөјүк Гејбәт дөврүндә исә, һәзрәти Меһдинин (әҹҹәләллаһу фрәҹәһу шәриф) шиә ҹәмијјәти илә бир баша әлагәдә олмадығы үчүн үмуми наибләринин васитәси илә шиәләри идарә едир. Бу наибләр, диндә даһа елимлиси, әдаләтли, тәгвалы, дүнја малына һәрис олмајан, шүҹаәтли вә с кејфијјәтләрә малик олан шәхсләрдир ки, онлара Вәлијји Фәгиһ дејилир...
Әзиз Азәрбајҹанлылар! 1979-ҹу илдә Имам Хомејни һәзрәтләри әлијалын тағут режиминә гаршы гијам едәрәк тарихдә илк дәфә олараг мүстәгил шәкилдә Вәлијји Фәгиһ Һакимијјәтини јер үзүндә гура билди. Он ил мүддәтиндә бу ағыр јүкү чијинләриндә дашыды вә сонда Исламын бајрағыны хәләфи салиһи, һәзрәт Имам Сејјид Әли Хаменеијә тәһвил верди. Һәзрәт Имам Сејјид Әли Хаменеи 37 ил бу һәссас мәгамда мөһкәм дајанараг Ислам Һакимијјәтини мүасир вә модерн елмләр ҹәһәтиндән, һәрби вә технолоҝијалар ҹәһәтиндән, сәһијјә вә економија ҹәһәтиндән али вә мәгбул дәрәҹәләрә јетирди. Сонда 28 феврал 2026-ҹы илин Рамазан ајынын 10-да ҹәдди Имам Һүсејн кими ганына гәлтан олду вә бу бајраг Аллаһын инајәти вә лүтфү илә, Експертләр Шурасынын дәгиг арашдырмалары вә лајигли сечимләри сајәсиндә Ајәтуллаһ Сејјид Мүҹтәба Хаменеијә өтүрүлдү...
Биз, “Муһәммәдин (с) Маарифи Ишығында” тәшкилаты вә “Ләнкәран Гуран вә Әһли-бејт (ә) Елм вә Тәзкијә Оҹағы” олараг Һәзрәт Ајәтуллаһ Сејјид Мүҹтәба Хаменеинин Ислам Үммәтинә вә Иран халгына үчүнҹү Имам сечилмәси мүнасибәтилә башда Вәлијји Әсрә (Әҹҹәләллаһу фәрәҹәһу әш-шәриф) вә мүсәлманлара тәбрик әрз едир вә Имам Хаменеи илә Бејәт етдијимизи билдирир, ҹанла вә башла Имам Хаменеи һәзрәтләринә хидмәт едәҹәјимизи вә О, һәзрәтә һәртәрәфли дәстәк верәҹәјимизи билдиририк.
“Муһәммәдин (с) Маарифи Ишығында” тәшкилаты вә “Ләнкәран Гуран вә Әһли-бејт (ә) Елм вә Тәзкијә Оҹағы”
Sizin rəyiniz