Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Мисирин Овгаф Назирлији електрон сәһифәсиндә Исра вә Пејғәмбәри Әкрәмин (сәлләллаһу әлејһи вә алиһ) мераҹ мөҹүзәси һаггында ҝениш бир бәјанат јајымлајыб вә вурғулајыб ки, бу мөҹүзә Ислам Пејғәмбәринин Мәккәдән Мәдинә шәһәринә Һиҹрәт етмәсиндән өнҹә баш вермишдир. Белә ки, бу һадисәдә әзиз Ислам Пејғәмбәри Мәккәи Мүкәррәмәдә јерләшән Мәсҹидул Һәрамдан Фәләстинин Гүдс шәһәриндә јерләшән Бејтүл Мүгәддәсдәки Мәсҹидул Әгсаја сејр еләтирилмиш вә орадан да һеч бир Мүрсәл Пејғәмбәрин (әла нәбијјина вә алиһи вә әлејһи сәлам), һәтта мүгәррәб мәләјин чата билмәдији вә сејр едилмәдији Али Асиманлара, та Сидрәтул Мунтәһаја гәдәр галдырылараг мераҹ едилмишдир.
Мисрин Овгаф Назирлији бәјан едиб ки, Исра вә Мераҹ ҝеҹәси Ислам Рисаләтиндә һәлл едиҹи ҝеҹә ролу ојнајыб. Чүнки мәһз һәмин ҝеҹәдә 24 саат әрзиндә ибадәт етмәк үчүн ҝүндәлик беш вахт намаз Ислам Үммәтинә ваҹиб едилиб.
Овгаф Назиркији әлавә едиб ки, Исра мөҹизәси вә Гуран Кәрим илә мераҹ етмәк Пејғәмбәри Әкрәмин (сәлләллаһу әлејһи вә алиһ) сүннәти вә Үләмаларын Иҹмасы илә һеч бир шүбһә олунмадан сабит олмуш бир мәсәләдир. Бу барәдә Гуран Кәримин Исра сүрәсинин биринҹи ајәсинә истинад етмәк кифајәтдир:
«سُبْحَانَ الَّذِی أَسْرَی بِعَبْدِهِ لَیْلًا مِّنَ الْمَسْجِدِ الْحَرَامِ إِلَی الْمَسْجِدِ الْأَقْصَی الَّذِی بَارَکْنَا حَوْلَهُ لِنُرِیَهُ مِنْ آیَاتِنَا ۚ إِنَّهُ هُوَ السَّمِیعُ الْبَصِیرُ»
Белә ки бу ајәдә бујурулур: “Пак вә Мүнәззәһдир О (Аллаһ) ки, Өз Бәндәсини әтрафына бәрәкәт вердијимиз Мәсҹидул Һәрамдан Мәсҹидул Әгсаја гәдәр ҝеҹә икән сејр етдирди ки, Өз нишанәләрими Она ҝөстәрәк. Һәгигәтән О (Аллаһ), (һәр бир ҝизли вә ашкар шеји) Ешидән вә (һәр бир ҝизли вә ашкары) Ҝөрәндир.”
Һәмчинин Нәҹм сүрәсинин 13, 14 вә 15-ҹи ајәләриндә Аллаһ тәала бујурурлар:
«وَلَقَدْ رَآهُ نَزْلَةً أُخْرَیٰ عِندَ سِدْرَةِ الْمُنتَهَیٰ عِندَهَا جَنَّةُ الْمَأْوَیٰ…»
Вә Һәгигәтән бирдәфәлик назил олдуғу заман Ону ҝөрдү. Сидрәтул Мунтәһа јанында. Ки, әмнијјәтлә долу олан Беһешт Онун јанындадыр.
Мисирин Овгаф Назирлији изаһ верәрәк бу ајәләрин әзиз Ислам Пејғәмбәрин (сәлләллаһу әлејһи вә алиһ) мераҹынын ҹисм вә руһу илә бирликдә (јәни руһунун физики формасында олдуғу һалында) баш вердијинә дәлаләт етдијини вә јуху формасында вә ја хәјалларда олмадығыны билдириб.
Бәјанатын давамында Мисирин Овгаф Назирлији Әнәс ибн Маликдән нәгл олунан сәһиһ һәдисә истинад едәрәк хатырладыб ки, бу мөҹүзә Пејғәмбәри Әкрәмин (сәлләллаһу әлејһи вә алиһ) ҹисми вә руһу илә бирликдә баш вериб. Рәвајәтә әсасән Һәзрәти Пејғәмбәр (сәлләллаһу әлејһи вә алиһ) узунгулағдан ҹүссәҹә бөјүк вә гатырдан кичик олан Бураг адлы ағ рәнҝли һејвана сүвар олараг Мәсҹидул Әгсаја сејр етди вә ону Мәсҹидул Әгсада бағлајараг, өзү орада ики рүкәт намаз гылды сонра Һәзрәти Ҹәбраил Әмин (әлејһи сәлам) илә асиманлара мераҹ етди.
Гејд олунан Овгаф Назирлији һабелә билдириб ки, Исра вә Мераҹ һадисәсинин мүхтәлиф һикмәтләри вардыр. О ҹүмләдән Әзиз Ислам Пејғәмбәринин (сәлләллаһу әлејһи вә алиһ) Аллаһ Әззә Ҹәллә јанындакы Али Мәгамынын олдуғуну ҝөстәрмәк, Пејғәмбәрин Амул-һузнда (Һүзн Илиндә) әмиси Һәзрәти Әбу талиб (әлејһи сәлам) ҹәнабларынын вә севимли Һәјат Јолдашы, Үммүл-мөминин Һәзрәти Ханым Хәдиҹәји Күбранын (сәламуллаһи әлејһа) Ислам Уғрунда аҹындан Шәһид олараг дүнјадан көчмәләри илә бағлы јашадығы гәм вә гүссәсинә тәскин олмаг, һәгиги мөминләрин иманы зәиф олан мөминләрдән сечилмәси, кечмиш үммәтләрин газандыглары саваб вә әзабларыны мүшаһидә етмәк, Ислам Рисаләтинин саир Илаһи динләрин рисаләтинә олдуғу үстүнлүјүнү исбат етмәк вә Ислам Үммәтини Намазын вә Аллаһ Тәалаја сәһиһ вә ихласла едилән ибадәтин әһәмијјәти чатдырмаг.
Сонда Мисирин Овгаф Назирлији вурғулајараг билдириб ки, Исра вә Мераҹ мүсәлманлар үчүн мисилсиз вә бөјүк мөҹүзә, Аллаһ Тәаланын Кәрамәтли Пејғәмбәринә (сәлләллаһу әлејһи вә алиһ) вә Ислам Үммәтинә олан әзәмәтли фәзли вә Илаһи Гүдрәтидир. Бу мөҹүзә Гуран Кәрим, сүннәт вә үләмаларын Иҹмасы илә исбат олунмуш вә Ислам Дининин әсас сүтунларыны мөһкәм едән мәрһәләләрдән биридир.
Гејд едәк ки, Мисирин Овгаф Назирлији бу бәјанаты мүбарәк Рәҹәб ајынын 17-синдә баш вермиш, Әзиз Ислам Пејғәмбәринин (сәлләллаһу әлејһи вә алиһ) Исра вә Мераҹ етмәсинин илдөнүмү ҝүнү мүнасибәти илә, вермишдир. Диҝәр бир рәвајәтә ҝөрә исә Исра вә Мераҹ һадисәси Һиҹрәтдән 12 ил өнҹә, мүбарәк Рамазан ајынын 17-дә, башга бир рәвајәтә ҝөрә, Һиҹрәтдән өнҹә Рәбиул-Әввәл ајынын 17-дә, башга бир рәвајәтә ҝөрә, Бесәтдән (јәни Пејғәмбәрин 40 јашындан) 5 ил өнҹә мүбарәк Рамазан ајынын 17-дә, башга бир рәвајәтә ҝөрә, Рамазан ајынын 27-дә, диҝәр бир рәвајәтә ҝөрә, Зил-һиҹҹә ајынын 9-да баш вермишдир.
Sizin rəyiniz